Orientation week: Quest day

AlmaU-да бағдарлау аптасы жалғасып жатыр. Quest day-дің кезегі келді. Студенттер бір-бірімен танысып, пікір алмасып, командаларға бөлініп,  ойынды бастауға дайын.

17:00

Бірінші курс студенттері футбол алаңында жиналды. Оларды Студенттерді Дамыту орталығының мамандары мен студенттік клуб мүшелері күтіп алды.

17:10

Команда көшбасшылары бейджиктің түсіне қарай студенттерді бөліп, команда құруда. Топтың атауы, ұраны анықталып, ережелер айтылды. Сонымен ойын басталды.

17:30

Студенттер тапсырмаларды ерекше ынтамен орындап жатыр: жасырылған карточкаларды іздеу, ән айту, би билеу, тик-ток түсіру.

18:25

Студенттерге ерекше тапсырма берілді. Құны 100 теңге тұратын қаламды аса құнды затқа айырбастау.

18:30

Розыбакиев көшесі толған AlmaU студенттері. Қала тұрғындарына айырбас жасауды ұсынып жүр. Біреу айырбасқа ештеңе ұсына алмай, кешірім сұрап әлек болса, енді бірі құнды зат табылар деген үмітпен сөмкесімен әлек. Ал кейбір тұрғындар қолдау көрсетіп, әмиянындағы соңғы ақшасын беріп жатыр. Студенттердің қуанышысында шек жоқ. Енді олар ақшаны одан да құнды затқа айырбастамақшы. Нәтижесінде қаламды Apple Watch-қа, RayBan көзілдірігіне алмастырды. Сондай-ақ Назарбаевтың қолтаңбасы бар кітап та бар.

19:30

Quest Day аяқталуға жақын. Бірінші курс студенттері бір-бірін қуана қарсы алып жатыр. Белсенді студенттер марапатталды. Оларға киносеанстар мен концерттерге билеттер сыйланды (серіктестерге алғысымызды білдіреміз). Құттықтаймыз!

19:40

Студенттерді дамыту орталығының жетекшісі Малика Амировамен сұхбат.

«Quest Day студенттер өзара танысып, бір-бірімен қарым-қатынас орнату үшін арнайы ұйымдастырылады. Жыл сайын қайтаналатын оқиға студенттер тек достарымен немесе группаластарымен ғана араласады. Сондықтан осы форматта өткізуді жөн көрдік. Олар әртүрлі түсті бейджиктерді алып, командаға бөлінді. Осылайша олар жаңа достар тауып, бір-бірімен араласады, тіпті бір студенттік клубқа жазылады. Quest Day-да  студенттік ұйымдар өздерін таныстырып, қатарларын толықтыруға мүмкіндік алады. Яғни бұл күні тек жүгіріп, тапсырмаларды орындамайды. Олар квест барысында әріптер жинауы керек. Соңында университеттің құндылығын білдіретін синергия (ымыра), көшбасшылық, кәсіпкерлік, одан бөлек мамандық атаулары шығады. Кейбір студенттер университетке тек білім алу үшін түседі. Одан бөлек оларға soft skills-те қажет. Осындай іс-шараларды өткізу арқылы бір-бірімен араласуға, студенттік өмірге атсалысуға және шығармашылықпен айналысуға мотивация береміз. Мен кезінде студенттік ұйымның мүшесі болып, әлі де студенттермен байланыстағы AlmaU түлектерін білемін. Оқуды бітіргеннен кейін олар бірге шығармашылықпен айналысуды жалғастырды. Біз әрдайым студенттік өмірді одан әрі қызық ету үшін қолдау көрсетуге дайынбыз».

Stud Life-та кездескенше!