Central Asia Case Competition «CRACK IT» – done!

20 сәуір күні Алматыда Central Asia Case Competition «CRACK IT» өткізілді, аталған іс-шараға Алматы Менеджмент Университеті (Қазақстан) және Орталық Азиядағы Америкалық  Университеттің (Қырғызстан) үздік студенттері қатысты.

Бизнес-кейстерді шешу бойынша аймақтық чемпионат-алдыңғы қатарлы компаниялардың жұмысымен танысу, өзекті бизнес-міндеттер мен мәселелерді қарастыру және командалық шешім дайындауға мүмкіндік береді.

 Чемпионатқа AlmaU және AUCA-дан  90 студенттен құралған 15 команда  қатысты.

"AUCA студенттерімен бірге жұмыс істеу керемет әсер қалдырады – дейді "Minor – Entrepreneurship" бағдарламасының және Ержан Тәтішев қорының стипендиаты 2 курс студенті Алмас Төлеубаев. Қатысушылар өте жақсы дайындалған, командалық жұмыс барысында  "Minor-Entrepreneurship" бағдарламасында алған жаңа тәжірибелермен бөлістік, бизнес-кейстерді шешу қиын болған жоқ, керісінше барлығымыз үшін  қызықты  тапсырма  болды»-деп өз ойымен бөлісті.

"CRACK IT" жеңімпаздары AlmaU және AUCAның бірлескен  - "Fantastic Three" құрама командасында - Әйгерім Қалауова, Айжан Тұрсынова, Юлия Дуженко болды, сонымен қатар  "BAG" командасы-құрамында Аделия Турдалиева, Гүлмира Ибраева және Бақыт Мамытбекова болды. Кейс-чемпионаттың жеңімпаздары биылғы жылы Павлодарда өтетін Big Ideas Camp жазғы кәсіпкерлік мектебіне қатысуға мүмкіндік алды.

2 орынды «Team 12» командасы иеленді, құрамында Жамиля Кубанычева, Әйгерім Мирбекова, Әйгерім Сағынбаева, Алмас Төлеубаев, Анастасия Стельмах болды.

3 орынды «Hunters» командасы иеленді, құрамында Chacyki Қапарбекова, Темірлан Тұрғанбеков, Атай Аманатова, Әйгерім Кариева және Аэлин Исмаилова болды.

"Құрметті студенттер мәліметтерді талдау мен салыстыруды, командада жұмыс істей білуді, қабылдаған шешімдерді таныстыра білуді, қазылар алқасының сұрақтарына жауап беруді үйренулеріңіз керек»-деді АҚЗО жобаларының жетекшісі Әсем Кабулова. Ең бастысы кейс-чемпионат студенттерге өмірде алған теориялық білім мен дағдыларын практикада-іс жүзінде  қолдануға мүмкіндік берді"-деді ол.

Байқаудың  әділ қазы мүшелері:

• Александра Вишневская - AlmaU «Қаржы» кафедрасының аға оқытушысы;
•  Ибраев Бағлан - "Теңге Капитал" АҚ инвестициялық банкинг департаментінің аға талдаушысы;
• Әлішер Садықов - "Changellenge" - бизнес-кейстер лигасының президенті;
•  Серік Ахмадиев-EY компаниясының мәмілелері бойынша кеңес беру  қызметтер департаментінің аға консультанты;
• Малика Сеитова-EY компаниясының мәмілелері бойынша кеңес беру  қызметтер департаментінің аға талдаушысы;
• Низами Теймуров-Co-founder & Head of Private Equity Astero Investment Group.

Іс-шараны AlmaU-дың кәсіпкерлікті және инновацияларды дамыту орталығы ұйымдастырды.