AlmaU Graduation 2019
21 маусымда Graduation салтанатты диплом тапсыру кешінде бакалаврды аяқтаған 479 студент "Маркетинг", "Есеп және аудит", "Құқықтану", "Логистика", "Аймақтану", "Қоғаммен байланыс", "Қонақ үй ісі және мейрамхана бизнесі", "Экономика" мамандықтары бойынша AlmaU дипломдарын алды.
AlmaU ректоры Курганбаева Гүлмира Аманжолқызы өз сөзінде университеттің оқытушылар құрамының зор еңбегін атап өтті: AlmaU-дың тірегі, жүрегі оқытушылар екендігін айтты. Салтанатты рәсім үш кезеңмен өтті, бірінші кезеңде Қонақжайлылық және туризм жоғары мектебі, Инженерлік менеджмент мектебі жіне Менеджмент жоғары мектебінің 130 түлегіне диплом табыс етілді. Шақырылған құрметті қонақ- "Сбербанк" АҚ ЕБ Басқарма төрағасы Александр Ильясович Камаловтың қолынан менеджмент жоғары мектебінің 150 түлегі диплом алды. Алтын тамға байқауының жеңімпаздары, олимпиада, іскерлік ойындар, байқаулар мен ғылыми конференциялардың жүлдегерлері, спорт жарыстары, марафондар, КТК командалары қатысушыларының еңбектері атап өтілді. "Аймақтану" мамандығы бойынша оқыған "2019 жылдың үздік түлегі" номинациясының жеңімпазы Проводникова Кристинаның есімі ерекше аталды. Сондай – ақ, медиалық блогер-вайнер - Зиманов Дәулет ("Маркетинг" мамандығы), "Мисс AlmaU 2019" - Қабылбекова Алинур ("Аймақтану" мамандығы), "Жыл әртісі" номинациясының иегері - Ильченко Максим ("Қаржы" мамандығы), Элит бизнес топ Кадрлық холдингінің болжамы бойынша "Қазақстанның үздік студенті 2017-2018" байқауының жеңімпаздары Фролова Марина ("Есеп және аудит" мамандығы) және Жания Жәкенова ("Құқықтану" мамандығы) марапатталды.
Келесі кезеңде "Логистика", "Менеджмент" және "Маркетинг" мамандықтарын бітірген студенттердің марапаттау рәсімі болды. Университетті аяқтаған 128 түлекке көптен күткен дипломдары табысетілді.
Марапаттау рәсімінде сөз алған Graduation 2019-дың құрметті қонағы, Лихай университетінің (Lehigh University, USA) саяси ғылымдарының докторы Д. С. Дуванова AlmaU-да оқудың артықшылығын атап өтті: "Құрметті түлектер, дәл осы AlmaU-да басқа университеттермен салыстырғанда оқу барысында сіздерге білім алуға ұмтылу, жан-жақты болу сияқты қабілеттерді үйретті, сондай-ақ сізді жаңаша білім алуға баулыды»-деді.
Graduation 2019-дың өткен жылдардан артықшылығы AlmaU тарихында алғаш рет "Charity Awards" атты студенттік қайырымдылық сыйлық аясында "Пікір айту", "Өнерпаз", "Жылы алақан", "Білім – шамшырақ" және "Өмір-қозғалыс" сияқты 5 аталым анықталды. AlmaU болашақ көшбасшыларды дайындайтын университет ретінде "Service Learning" пәні арқылы - өз студенттерінде кәсіпкерлік дағдылармен қатар қоғамға қызмет ету қасиетін, руханилықты, мейірімділікті және адамгершілікті дамытады. Сонымен қатар арнайы дипломдар әр түрлі мамандықтардың үздік түлектеріне тапсырылды.
Марапаттау рәсімі ата-аналарға, түлектерге және оқытушыларға үлкен қуаныш сыйлап, іс-шара барысында баға жетпес сезімге бөледі деген ойдамыз. Іс-шара соңында жақсы тілектер мен болашаққа арналған жоспарлар жазылған түрлі-түсті шарлар әуеге жіберілді.
Университет биылғы жылы бакалавриат бағдарламасын аяқтаған барлық түлектерге жаңа шыңдарды бағындыруды және ересек өмір деп аталатын келесі сатыда табыстарға жетуді тіледі. Құрметті түлектер сіздерге «Ақ жол» тілейміз!
