«AlmaU 4 You»: Университет сен үшін, қала, бизнес және ел үшін
2019 жылдың 12 желтоқсан күні Алматы Менеджмент Университетінің туған күніне орай Q-lab алаңында ректордың ашық түрдегі «AlmaU 4 You»: Университет сен үшін, қала, бизнес және ел үшін» тақырыбындағы есеп беруі ұйымдастырылады.
Қазіргі уақытта университеттердің дәстүрлі қызметі-білім беру мен зерттеу жұмысымен айналысуы жаһандық деңгейдегі әлеуметтік заманауи институт болу үшін жеткіліксіз болып табылады. Университеттің үшінші мақсаты-әлеуметтік бағытта жұмыс істеу, қоғамға қызмет ету, аймақтың, қалалардың, қоғамдастықтардың дамуына үлес қосуда азаматтық белсенділік пен жауапкершілікті қалыптастыру қазіргі таңдағы әлемдегі жоғары оқу орындарының басты мәселесі болып отыр.
Аталған көпшілік алдында есеп беруге қаламыздағы белсенді тұрғындар, мемлекеттік сектордың басшылары мен қызметкерлерін, парламент өкілдерін, халықаралық ұйымдар мен дипломатиялық миссия өкілдерін, білім, ғылым, өнер, мәдениет және спорт қайраткерлерін, ағартушыларды, қоғамдық пікір көшбасшыларын, үкіметтік емес ұйымдардың, жастар бірлестіктерінің өкілдерін, кәсіпкерлерді, бизнесмендерді, БАҚ өкілдерін, университеттің серіктестері қатысатын болады.
Есептің негізгі мазмұны - жоғарыда айтылған AlmaU-дың үшінші миссиясын іске асыруы, қоғамның дамуына және құндылықтарды анықтауға үлес қосуы болып табылады. Біздің серіктестеріміз бен қатысушыларымыз (Сергей Пономарев – журналист және «Ұлы Балқаш шақырады» жобасының қатысушысы, Шахан Жолдасбаев - «Пандус-ОК» компаниясының негізін қалаушы, AlmaU түлегі, Сания Арапова –Тель-Авив университеті достар ассоциациясының вице-президенті, «Студенттік кәсіпкерлік эко жүйесі» жобасын ұйымдастырушы, Аблай Юсупов - «Upgrade Group» директоры, AlmaU түлегі, Евгений Мухамеджанов -«ECO Network» негізін салушы, эко-форумдардың ұйымдастырушысы, сонымен қатар Q-lab-тың урбанистика мамандары) сіздерге өздерінің жасаған жобаларының нәтижелерін нақты, шынайы кейстер арқылы көрсетеді. Осылайша құндылықтарды, азаматтық ұстанымдарды қалыптастырып, қоғамдағы әлеуметтік жауапкершілік мәдениетін дамытып жатқанымыз жайлы айтып береді.
Ашық есеп беру 4 кластер арқылы көрсетілетін болады.
- AlmaU 4 community – Университет қоғам үшін
- AlmaU 4 entrepreneurship – Университет кәсіпкерлік үшін
- AlmaU 4 AlmaТЫ – Университет қала үшін
- AlmaU 4 education – Білімді бірге дамытамыз
Алматы Менеджмент Университеті-бұл құндылықтар алаңы, шабыт алатын орын, идеялар мен білім алып, ой бөлісуге арналған ашық алаң. Аталған іс-шараға Сіздердің қатысып, қонақ болуларыңыз біз үшін өте маңызды. Университетті, білім беруді дамыту жайлы сіздердің тілектеріңіз бен ұсыныстарыңызды естиміз деген ойдамыз.
AlmaU-дың бір мүшесі болуға шақырамыз! Сіздерді біздің іс-шарамызда көреміз деген ниеттеміз!
