StartUp Night AlmaU іс-шарасы барлығымызды біріктіреді

20 маусымда Almaty Management University –де  StartUp Night AlmaU өткендігін қуанышпен хабарлаймыз.

Аталған іс-шара Lingnan (Гонконг) университетінің бастамасымен JOINT HUMANITARIAN ENTREPRENEURSHIP SUMMER ACADEMY жазғы мектеп аясында өтті. Гонконг, Қазақстан, Франция, Үндістан және Америка елдерінің студенттері  16-29 маусым аралығында Қазақстанға әлеуметтік кәсіпкерлік және экологияның маңызды мәселелерін шешу туралы идеяларын талқылап ұсыну үшін жиналды.

Қазақстан, Гонконг, Франция, Үндістан және Америка студенттері әр түрлі командаларға бірігіп 3 сағат бойы менторлардың басшылығымен әлеуметтік бизнес – жобаларды дайындап,  жұмыс істеді. Нәтижесінде, StartUp Night-та әлемнің түрлі елдерінен келген студенттер бір түннің  ішінде 7 идеяны  әзірлеп, жоба етіп жүзеге асырды!

StartUp Night AlmaU іс-шарасына 6 адамнан құралған  7 команда қатысты.

1 орынға VANILLA командасы ие болды.Олардың әлеуметтік жобасының идеясы өңделген пластиктен дизайнерлік рюкзактарды жасау болды.

Командалардың  жобаларын бағалаған әділ қазы мүшелері:

Данияр Медетов – AlmaU бизнес-инкубатор  басшысы.

Арад Давар – «Сыни ойлау», «Кәсіпкерлік» пәндерінің лекторы

Айгерим Кауменова – Халықаралық қатынастар саласының сарапшысы.

Жобалар бойынша жұмыс істеуде жетекшілік жасаған біздің менторлар:

Валерий Ким – Экономика және бизнес жоғары мектебінің аға оқытушысы

Айгерім Серікбекова – Алматы Менеджмент Университет тренері

Рим Абдуллин – Мемлекеттік және қоғамдық саясат пен құқық мектебі деканының орынбасары.

Жобаларды бағалағаннан кейін жеңімпаздар жүлделі орындарға ие болды, ал барлық команда мүшелері  жобаға қатысқандықтары туралы сертификаттар алды.

Almaty Management University Қазақстан Республикасындағы кәсіпкерлік білім берудің көшбасшы ретінде осындай  іс-шараларды жиі өткізу арқылы пікірлестердің басын қосып ой алмасады