IQAA мамандандырылған бастапқы және қайта аккредиттеу

2022 жылғы 8 және 9 маусымда AlmaU-ға 15 білім беру бағдарламасын арнайы бастапқы және қайта аккредиттеуге арналған IQAA (Білім сапасын қамтамасыздандыру бойынша тәуелсіз агенттігі) сарапшылары келді.

Сараптау комиссиясының құрамында Таллин, Мәскеу, Рига, Керчь, Алматы, Қарағанды, Нұр-сұлтан, Павлодар және т.б. қалаларынан 18 жетекші ұлттық және халықаралық сарапшылар, сондай-ақ жұмыс берушілер мен студенттер қоғамдастығының өкілдері болды.

Білім беру бағдарламаларының бірінші кластері бойынша сараптамалық топты экономика ғылымдарының кандидаты, профессор, экономика факультетінің "Менеджмент" кафедрасы,  Е.А. Бөкетов атындағы Қарағанды университеті Давлетбаева Назгуль Бакытовна басқарды.​

Екінші топты Стамбулов Серік Бердібайұлы – PhD, Дүниежүзілік тарих және халықаралық қатынастар кафедрасының қауымдастырылған профессоры (доценті), Е.А. Бөкетов атындағы Қарағанды университеті басқарды. 

Сапар барысында қонақтар университеттің инфрақұрылымымен, университеттің академиялық, ғылыми-зерттеу, тәрбие және әлеуметтік жұмысымен танысты.

Комиссия мүшелері білім беру процесінің негізгі стейкхолдерлері – декандармен және бағдарлама жетекшілерімен, профессорлық-оқытушылық құраммен, жұмыс берушілермен, білім алушылармен және түлектермен сұхбат жүргізді.

Сарапшылар аккредиттелетін білім беру бағдарламаларының практика базаларына барды: қоғамдық пікірді зерттеу орталығы, ENACTUS KAZAKHSTAN, Monin студиясы, Хоум кредит банк.

Сапардың қорытындысы бойынша сараптамалық топ қорытынды ұсынады, оның нәтижелері университеттің білім беру бағдарламаларын аккредиттеу туралы шешім қабылдау үшін IQAA Аккредиттеу Кеңесінің қарауына шығарылады.