PhD докторанттарды дайындаудағы жаңа бағдарлама

«Алматы Менеджмент Университеті», «Нархоз» Университеті және «Сүлейман Демирель университеті» алғаш рет PhD докторанттарын дайындау бойынша серіктестік бағдарламасын іске қосты. Сабақтар инновациялық гибридті HyFlex форматында PhD Молдашев Қ.Б., PhD Исабаев М.М., PhD PhD Сәтпаева З.Т. секілді жетекші оқытушылар жүргізеді.

Барлық жоғары оқу орындарының докторанттары AlmaU базасында «Академиялық хат» пәнін, AlmaU және SDU университетінің докторанттары SDU базасында «Зерттеу әдістері», AlmaU және Нархоз университеттерінің докторанттары Нархоздың базасында «Эконометрика (жоғарылатылған курс)» пәнін меңгереді.

Бағдарламаның ашылуында студенттерді үш университеттің өкілдері қарсы алды: AlmaU-дың ғылым жөніндегі проректоры Саркеев Б.К. және СДУ ғылым жөніндегі проректоры Молдашев Қ.Б., Нархоз Университеті «Докторантура ҒББД» директоры Арыстанбаева С.С., AlmaU Менеджмент мектебі мен Экономика және қаржы мектебінің декандары Қазыбаева А.М., Исахова П.Б.

Университеттердің мұндай ынтымақтастығы тәжірибе, идея, білім алмасу, пікірталас алаңын құру және университеттер мен ғылыми қызметкерлер арасындағы кәсіби байланысты нығайту арқылы докторанттарды даярлауды жаңа деңгейге көтереді.