М.О.Әуезовтің туғанына 125 жыл толуына арналған «Тағдыр таңдаған тұлға» атты әдеби-сазды кеш өтті

2022 жылдың 12 қазанында AlmaU Тілдер орталығында қазақтың ұлы жазушысы, қоғам қайраткері, абайтанушы Мұхтар Омарханұлы Әуезовтің туғанына 125 жыл толуына арналған «Тағдыр таңдаған тұлға» атты әдеби-сазды кеш өтті. Шараның мақсаты: студенттерді қазақтың ұлы жазушысы, қазақ әдебиетінің классигі Мұхтар Әуезовтің шығармашылығымен таныстыру, қазақ жазушыларының шығармаларына қызығушылықтарын ояту; патриоттық сезімдерін қалыптастыру және дамыту. 

Мерекелік кешті Алматы Менеджмент Университетінің ректоры Күреңкеева Гүлнар Тұрдалиевна ашты.Кеште студенттер ұлы жазушы Мұхтар Әуезовтің шығармаларынан үзінділер оқып, «Абай жолы» романы бойынша театрландырылған көрініс көрсетіп, халық әндері мен әйгілі «Ерке сылқым», «Адай» күйлерін орындады.Шара барысында Мұхтар Әуезовтің өмірі мен шығармашылығы туралы деректі бейнематериалдар көрсетіліп, жазушының өз дауысы естілді. Викторинаға қатысқан студенттер жазушы шығармашылығын жақсы меңгергендерін көрсетті. Мерекелік іс-шараны AlmaU Тілдер орталығының оқытушылары Садыр Гүлмира Әуесханқызы, Бейсембиев Болат Қалибайұлы, Бегалиева Ләззат Бегалиевна ұйымдастырды. Мерекелік кеш өте мазмұнды және қызықты өтті. Шара студенттердің қазақтың ұлы жазушысы Мұхтар Әуезов туралы білімдерін кеңейтіп, шығармашылығына деген қызығушылықтарын арттыруға ықпал етті.