Қорытынды Ашық есік күні

20 мамыр күні  Almaty Management University-де биылғы жылғы талапкерлер үшін   «AlmaU Fest: Тест тапсыруға күш жина!»  атты қорытынды Ашық есік күні өтті.

Іс -шараны AlmaU-дың рекрутинг және талапкерлерді қаржылай қолдау бөлімі және қызметкерлер мен студенттер ұйымдастырды.

 Бұл күні университетке 200-ден астам талапкер мен оның ата-аналары келді. Холда қонақтар университеттің бағдаламаларымен және мамандықтармен танысып, университет қызметкерлеріне өздерінің сауалдарын қойды. Сондай-ақ арнайы безендірілген қабырғада суретке түсті.

Іс-шараның ресми бөлімінде Менеджмент Жоғары Мектебі Деканының орынбасары Исахова Парида Бакирқызы сөз сөйлегеннен кейін, университеттің презентациясы көрсетілді. Содан кейін Мемлекеттік саясат және құқық Жоғары Мектебінің оқытушысы-философия ғылымдарының докторы Айдарбеков Зейнабил  Смайылханұлы талапкерлердің алдында сөз сөйледі.

Іс-шараның ең маңызды бөлімі 29 сәуір  2018 жылы мамандықтар бойынша өткізілген Олимпиада кезінде жүлделі орын алған жеңімпаздарды марапаттау рәсімі болды, мұнда мектеп Декандарының гранттары мен жеңілдіктері тағайындалған еді.

"Сұрақ-жауап" интерактивті модуль кезінде қонақтар  ұйымдастырушыларға өздерінің көкейкесті сұрақтарын қойды. Бұдан әрі талапкерлер зияткерлік кейстерді шешіп, өз күшетірін сынау үшін   дәрісханаларға шақырылды.

Зияткерлік кейстерді шешіп болған соң, студенттік ұйымдар жиналған қонақтарға өз өнерлерін көрсетіп, жақсы көңіл-күй сыйлады.

Содан кейін талапкерлерге университет ауласында кофе-брейк ұсынылды, олар өздерін толғандырып жүрген сұрақтарын қойды. Қонақтар үшін әртүрлі байқаулар мен қызықты ойындар өткізілді. Кеш қатысушылары спорттық жарыстарда өз күштерін сынады.

Талапкерлер үшін хайуанаттардың көрсетілуі  тосын сый болды. Қонақтар жануарларды тамашалап, бірге суретке түсті. 

Келесі кезекте Ашық есік күніне арнайы шақырылған  талантты әншілер өз өнерлерімен қонақтар мен  талапкерлердің көңіл күйлерін көтеріп,  бір шабыттандырды.

Кездесу соңында AlmaU-да қалыптасқан дәстүр бойынша болашақ студенттер тілектерін айтып, әуеге шар ұшырды.