Кітап маған тақтан да қымбат

12 қарашада Алматы Менеджмент Университетінде Тілдерді дамыту орталығы (Language Center) академик  Шахмардан Есенов атындағы ғылыми білім беру қорымен бірлесе отырып,  саясаттанушы, журналист әрі суретші, блогер, Amalbooks баспасының негізін салушы және жетекшісі Бақытжан Бұқарбаймен  қызықты да тартымды кездесу өткізді.   

Бақытжан Бұқарбай жастарға  идеядан нақты істерге көшу  уақыты жеткенін айта келіп,  қоғамда орын алған тұтынушылық концепциядан кетіп,  амал жасауға тырысу керектігін айтты. 

Студенттер Бақытжан Бұхарбайға «Неге қазақтар үшін бүгінгі таңда құндылық – кітап емес, басқа дүние?»,  «Неге классикалық әдебиеттің айтатыны бір болса, біз тек қазақша әдебиетті оқуымыз керек?», «Қазақ тілі бизнес тіліне айнала ма?», «Кітап жазсам деген жас болса, кеңес беруге дайынсыз ба?», «Өміріңізге әсер еткен 5 топ кітапты атай аласыз ба?» деген сияқты сан түрлі сұрақтар қойды.