"Қазақ тілін оқытудағы жаңғыру мен жаңару" тақырыбында дөңгелек үстел өтті

23 ақпанда Алматы Менеджмент Университеті Тілдерді дамыту орталығының Knowledge Building аудиториясында «ҚЫСҚЫ МЕКТЕП 2018 ІЗІМЕН: ҚАЗАҚ ТІЛІН ОҚЫТУДАҒЫ ЖАҢҒЫРУ МЕН ЖАҢАРУ» атты дөңгелек үстел өткізді.

Дөңгелек үстелде AlmaU оқытушылары бірнеше тақырыпта өз ойларымен бөлісті:

1. Аға оқытушы Бейсенбиев Б.К. – «Қашықтықтан оқыту әдістері»
2. ф.ғ.к. Құрманғожаева Э.С. – «Тұлғаға бағытталған оқытудың тиімді әдістері»
3. Аға оқытушы Багиева Ш.М. – «Студенттердің тілдесім әрекетін дамытатын интерактивті әдістер»
4. Ф.ғ.к. Садыр. Г.Ә. – «Студенттердің аралық және қорытынды жұмыстарын қабылдаудың жаңа формасы»
5. Ф.ғ.к. Байелі Ә.Ж. – «Студенттерді топқа бөлу критерийлері»
6. Ф.ғ.к. Акимбекова Г.Ш. – «Білім беру саласындағы анимациялық видео-тұсаукесердің ерекшелігі».

Дөңгелек үстелге қатысушы Каримова Г.И., Тілдерді дамыту орталығының аға оқытушысы, іс-шара жайлы өз пікірімен бөлісті:

«Әріптестерімнің кәсібилігіне тағы да бір көз жеткіздім. Іс-шараның ұйымдастырылуынан бастап, спикерлердің сөз сөйлеуіне дейін – барлығы жоғары дәрежеде өтті. Оқытушылардың барлығы – өз ісінің майталмандары. Біз онлайн-режимде тілдік ойындар ойнадық, студенттермен сабақтан тыс формада тиімді тілдесудің сырын білдік, қолға жіп байлап, қазақ тілінде сөйлеу кезіндегі тілдік тұсаулардан босадық, студенттердің түсірген бейнебаяндарын қарадық. Іс-шарада болған қызықты сәттердің барлығын айтып жеткізу мүмкін емес».