Ғылыми қысқы мектеп өз жұмысын бастады

2023 жылдың 9 қаңтарында Ғылыми қысқы мектеп – 2023 өз жұмысын бастады. 

Қысқы шеберлік мектебін Алматы Менеджмент университеті мен Нархоз университеті ұйымдастырып отыр.

Биыл қысқы мектепке Қазақстан бойынша 12 университеттен  90-нан астам адам қатысуға мүмкіндік алды. Қысқы мектепте 84 сағатқа бойы 15 спикер семинар өткізеді. 

Нәтижесінде қатысушылар гранттық қаржыландыруға өтініш беру үшін рейтингі жоғары журналда немесе research proposals журналында жариялау үшін мақала нобайын дайындайды.  Қысқы мектептің ашылу рәсімі Нархозда өтті. 13 қаңтар күні жабылу салтанаты AlmaU-да өтеді.  Ғылыми қысқы мектепті AlmaU ректоры Гүлнар Куренкеева мен Нархоз Президенті Мирас Дәуленов ашты.  

Ғылыми қысқы мектеп – академиялық қауымдастық пен студенттердің  кәсіби дамуына,  өзара зерттеу әдістерін бөлісуге арналған жыл сайын ұйымдастырылатын іс-шара. Оның мақсаты – ғылыми зерттеулер жүргізу, деректерді өңдеу және гранттық жобаларды іске асыруда профессор-оқытушылар құрамының біліктілігін арттыру.

AlmaU мен Нархоз университетінің кәсіби спикерлері қатысушыларға заманға сай ғылым саласында тәжірибесін арттыруға көмектесетін шеберлік сыныптар мен семинарлар өткізеді.