Эссе байқауының нәтижесі шықты

Республика күнін мерекелеу аясында AlmaU қабырғасында ҚР Ғылым және жоғары білім министрлігінің бастамасымен "Менің арманымдағы Қазақстан" эссе байқауы өтті. Оған 22 студент қастысты. Нәтижесінде университет ішіндегі байқауға 19 жұмыс жіберілді.

Байқау 2 кезеңде өтті: 1 кезеңде эссені Тілдер орталығының оқытушылары оқып шықты; 2 кезеңде Медиа және киномен қатар Саясат және құқық мектебінің оқытушылары эссемен танысты.

Байқау қорытындысы шықты:

1 орынды "Маркетинг" мамандығының 1 курс студенті Мырзаханов Бексұлтан иеленді.

2 орыннан "Ақпараттық жүйелер" мамандығының 3 курс студенті Аяш Іңкәр көрінді.

Ал 3 орын "Мейрамхана ісі және қонақ үй бизнесі" мамандығының 2 курс студенті Мейербекова Айымға бұйырды.

Жеңімпаздар дипломмен, естелік сыйлықтармен марапатталды. Ондыққа кірген қатысушылар ынталандыру сыйлықтарын алды.Үздік жұмыс эссе байқауының республикалық кезеңіне жіберілді.

Біз өз кезегімізде қатысушылар мен жеңімпаздарды құттықтаймыз! Алда жақсы нәтиже көрсетіп, табысқа жетулеріне тілектеспіз!