Ерекше адамдардың кәдімгі бір күні
Халықаралық Жазғы мектеп – 2016 шарасына қатысушылардың кәдімгі күні қалай өтеді? Қайнап жатады! Әр елден келген білім беру ұйымдарының өкілдері тренингтер мен семинарларда, шеберлік мектептерінде жаңа дағдыларға үйреніп қана қоймай, спортпен белсенді айналысуды да ұмытпай, шығармашылық кештерге және зияткерлік ойындарға да қатысып жатты.
Күнде таңертең мектеп тыңдаушылары Ыстық көл жағасында кездесіп, оларға спортпен бұрын айналысқан әріптестері авторлық жаттығулар жасатты. AlmaU спикерлері мен қызметкерлері өздерін бапкер ретінде көрсетіп те үлгерді. Мәселен, Стэнфорд университетінің халықаралық сарапшысы Кэти Кавана тілек білдірушілерді йогамен айналысуға шақырды, ал AlmaU IT-басқармасы жетекшісі, бұрын боксшы болған Шангитбаев Жәнібек бәріне буын-буындарын, бұлшық еттерін қыздыратын жаттығулар жасатты. Күнделікті таңертеңгі жаттығулар көлдің салқын суына түсіп, суда жүзумен аяқталып отырды .
Бір күн ішінде Жазғы мектепке қатысушылар білім беру және кәсіпкерлік саласындағы инжиниринг және ойлау дизайны сияқты инновациялық бағыттарды үйренеді. Семинарлар мен тренингтердің маңызды бір бөлігі ретінде практикалық сабақтарды атауға болады, себебі тыңдаушылар бірден сол жерде алған білімдерін іс жүзінде қолдануға дағдыланады, әр семинарда спикерлер командалық немесе жеке тапсырмалар беріп, презентациялар мен ұсынып отырған шешімдерін бағалайды.
Осындай мазмұнды жұмыс күнінен кейін пікір талас кештері өтіп, білім берудің өзекті мәселелері талқыланады, кейде бұрын зерттелген материалдары бойынша тәжірибе, пікір алмасу жүреді.
Шығармашылық және ойын кештері негізгі бағдарламаға тамаша толықтыру болып отырды. Мектепке қатысушылар арасында көптеген дарынды оқытушы-профессорлар әріптестерін гитарада ойнап, сүйікті әндерін орындап, сондай-ақ өлеңдерін оқып қуантты. Біреулер құмды жағалауда волейбол ойнап та үлгерді, ал біреулер – мафия ойнады. Әуесқойлар үшін нағыз кинотеатрлардағы сияқты попкорнмен, сусындармен кино кештері ұйымдастырылды.
Әлі де мектепке қатысушыларды түрлі кәсіби салалар бойынша көптеген қызықты шеберлік мектептері, тренингтер күтеді. AlmaU қонақтары квест ойнап, теплоходпен қыдырып, спорт сайыстарына қатыспақшы.
Ресми хештег #AlmaU_summerschool
