Болгариядағы Докторанттардың Еуразиялық Жазғы Академиясы

2016 жылдың 17 шілдесінде Варна қаласында  (Болгария) Докторанттардың Еуразиялық Жазғы Академиясы басталды.

Eurasian Doctoral Summer Academy (EDSA) – Алматы Менеджмент Университетінің  Бизнес Жоғары Мектебі мен  ESC Rennes School of Business (Франция) және  Varna University of Management (Болгария) оқу орындарының бірлескен бағдарламасы. Бұл бағдарлама CEEMAN Орталық және Шығыс Еуропадағы менеджментті дамыту Қауымдастығы және  Baltic Management Development Association (BMDA) қолдауымен іске асырылып отыр.. 

EDSA мақсаты – докторанттар мен аспиранттардың ғылыми зерттеулерінің сапасын арттыру, зерттеулердің жаңа әдістерін үйрену, зерттеу тақырыбына байланысты және әлеуметтік-гуманитарлық ғылым саласындағы Ұлыбритания, Канада, Франция, Болгарияның және Қазақстанның  жетекші сарапшыларынан кеңес алу. 

Бағдарламаға Ұлыбританиядан, Польшадан, Болгария, Франция және Ираннан келген профессорлар құрамы қатысады. Биыл Доктаранттардың Еуразиялық Жазғы Академиясында Ұлыбританиядан, Франциядан, Испаниядан, Польшадан,  Ираннан, Грузиядан, Өзбекстан мен Қазақстаннан 24 адам оқиды. Академияны аяқтағаннан кейін тыңдаушылар «Зерттей әдіснамасы» курсы бойынша төрт кредиттік бағдарламаны өткендері туралы серіктес университеттердің сертификаттарын алады.

 EDSA артықшылығы

- докторлық диссертация дайындау аясында оқытудың интербелсенді әдісін қолдана отырып,  зерттеудің  жаңа және классикалық әдістерін және тәсілдерін зерттеу;

- шақырылған профессорлардан зерттеу тақырыбы бойынша  жеке консультациялар алу мүмкіндігі;

-  академиялық хат және әдебиетке  сыни шолу тәсілдерімен таныстыру,  жоғары рейтингтері бар журналдарға жарияланымдар жасау мүмкіндіктері, еуропалық университеттерде  PhD диссертациялар жазуға қойылатын  талаптармен,  стандарттармен таныстыру;

- бірлескен ғылыми-зерттеулер жүргізу және  ҒЗЖ  саласы бойынша еуропалық университеттермен  одан әрі ынтымақтастықты дамыту  үшін байланыс орнату;

- байланыстар орнатып, Еуропа кәсіби зерттеу қауымдастығымен байланысу.

Ғылыми зерттеу Салалары және  Пәндер

EDSA  әлеуметтік-гуманитарлық ғылымдар саласы бойынша докторанттар мен ғылыми зерттеушілерге арналған.  Атап айтқанда, мынадай бағыттар бойынша: "экономика, есеп және аудит, маркетинг, менеджмент, халықаралық қатынастар, саяси ғылым, қоғамдық саясат, менеджмент философиясы.