Асылбек Қожахметов Айыртау ауданының даму стратегиясын таныстырды

Асылбек Қожахметов Солтүстік Қазақстан облысының әкімдігіне Айыртау ауданының даму стратегиясын таныстырды. AlmaU президентінің пікірінше, «Зейнеп» жоғары көпсалалы колледжі Айыртау ауданының даму орталығына, жаңа идеялар ресурсына айналуына бүкіл потенциалы бар.

Жергілікті әкімдік стратегияға ерекше қызығушылық білдірді.  Бірлесіп пысықтау ұсынылды. Содан кейін ғана стратегия көпшілікке таныстырылмақ. 

Асылбек Қожахметов СҚО-ға сапар барысында М.Қозыбаев атындағы СҚУ өкілдерімен кездесті. Екі тарап МВА бойынша бірлескен жобалар барысын, «Зейнеп» колледжінде өтетін AlmaU-дың жазғы мектебі аясында ынтымақтастық орнату мәселесін талқылады.

Жақында «Зейнеп» жоғары көпсалалы колледжінің Қамқоршылық кеңесінің бірінші отырысы өтті. Онда Қамқоршылық кеңестің құрамы бекітіліп, төраға сайланды.

Айта кетейік, «Зейнеп» колледжі 2022 жылы бұрынғы Лобанов ауылдық колледжінің базасында AlmaU құрылтайшылары мен Халықаралық бизнес академиясы колледжінің қолдауымен құрылған. Оқу орнының миссиясы – азаматтық көзқарастары жетілген, заманауи кәсіби дағдылары қалыптасқан әрі нарықта сұранысқа ие мамандарды даярлау арқылы өңірді дамыту.