AlmaU-дың «Мейрамхана ісі және қонақ үй бизнесі» білім беру бағдарламасы 1 орында

«Атамекен» Ұлттық кәсіпкерлер палатасы Ғылым және жоғары білім министрлігімен бірлесіп, қазақстандық жоғары оқу орындарының білім беру бағдарламаларына тәуелсіз бағалау жүргізіп келеді.

Жұмыс нәтижесінде 200-ден астам салалық сарапшы тартылып, 2040 білім беру бағдарламасы бағаланған.  81 393 түлектің деректері талданып, нәтижесінде 97 оқу орны бойынша 2 мыңнан астам сараптамалық қорытынды жасалған екен.

Ұлттық палата жоғары оқу орындарын 19 критерий бойынша бағалаған. Олардың ішінде негізгілері: жұмысқа орналасу деңгейі, орташа еңбекақы, білім беру бағдарламасын аккредиттеу, оқытушылардың білім сапасы, білім беру бағдарламаларының өзектілігі және т.б.

«Атамекен» ҰКП-ның 2022 жылғы ұлттық рейтингінің қорытындысы бойынша AlmaU-дың «Мейрамхана ісі және қонақ үй бизнесі» білім беру бағдарламасы 1 орынды иеленді. Қазақстандағы ЖОО-лар арасында Қонақжайлылық және туризм мектебінің «МІжҚБ» білім беру бағдарламасы көш бастап тұр.

Бағдарлама түлектерінің 76,25% жұмысқа орналаса алады, олардың орташа жалақысы орта есеппен 170069,85 теңге.  Ал жұмыс іздеу уақыты 3 айға дейін созылады.

ҰКП рейтингінде AlmaU-дың  «Мейрамхана ісі және қонақ үй бизнесі» білім беру бағдарламасы  2018 жылдан бастап алдыңғы қатарда.

AlmaU-дың көш басында тұруының себебі – жоғары білікті оқытушылар құрамының болуы, оқытудың бірегей әдістемелері мен жаңа технологияларды енгізуі. Ал біздің студенттер нарықта сұранысқа ие мамандар.

 Жұмысыңызға табыл тілей отырып, университет гүлденуіне қосқан үлесіңіз үшін алғыс айтамыз!