2022 жылдың 1-3 қараша аралығында Мәскеуде «ТМД елдеріндегі орыс тілі: орны, қызметі, байланысы» атты халықаралық ғылыми конгрес өтті. Ғылыми конгреске Тәжікстан, Қазақстан, Өзбекстан, Қырғызcтан және Беларусь елдерінің өкілдері қатысты. Ұйымдастырушы – А.С.Пушкин атындағы Мемлекеттік орыс тілі институты.

Ғылыми конгресс барысында үздік жобалар байқауының жеңімпаздары марапатталды. Қатысушылар ТМД елдеріндегі орыс тілін қолдау аясындағы жобаларын таныстырды. Байқау жеңімпаздары арасында Алматы Менеджмент Университетінің Медиа және кино мектебі «Қоғаммен байланыс» мамандығының 4 курс студенттерінің жеке PR портфолиосы – «Сторителлинг және жеке PR» жобасы бар. Жоба жетекшісі – филология ғылымдарының кандидаты, доцент Сүгірбекова Салтанат Ризабекқызы. Қатысушылар – Шагвалеева Рената, Ким Валерия, Рысбаева Самал, Аманжолова Лейла, Смирнова Регина.

Студенттеріміздің жобасы яғни жеке PR портфолио – бұл оқу жетістіктерін тіркеу және негізгі кәсіби құзыреттіліктердің қалыптасу дәрежесін өлшеу әдісі ғана емес, ЖОО түлектерін еңбек нарығында ілгерілетудің тиімді әдісі. Соның арқасында студенттің болашақта жұмысқа орналасу мүмкіндігі артады. Міне, осындай қоғамға пайдалы жоба жасап шыққан студенттерді университет мақтан тұтады. 

Бір айта кетерлігі, жоба 2021-2022 оқу жылының мамыр айында қорғалды. Жалпы, жобаны дайындауға 3 ай уақыт кетті.