Наурыз 13, 2020

AlmaU принял участие в First Robotics Competition

2020 жылдың 5 -8 наурыз аралығында Стамбулда FIRST олимпиадасының аймақтың туры өткізілді.

First robotics competition (FRC) – робототехника бойынша жыл сайынғы халықаралық турнир, оған бүкіл әлемнен командалар қатысады. Биыл Қазақстан алғаш рет робототехника бойынша жаһандық байқауға қатысты.

ALMATY ROBOMAN #8420 командасы 12 адамнан тұрды. Оған AlmaU, Satbayev University, ҚБТУ, АЭжБУ, МУИТ, Тұран, КНЖПУ, ЦАТЭК студенттері және Хакспейс робототехника мектебінің (№3 БМ секциясы) оқушылары, №48, 54, №134 лицейлердің оқушылары кірді. AlmaU атынан инженерлік менеджмент мектебінің деканы Абешев Куаныш Шурабатырұлы және "Ақпараттық жүйелер" мамандығының бірінші курс студенті Кубанычбек уулу Руслан қатысты.Байқау басталардан екі ай бұрын FirstInspires ресми сайтында іріктеу турының ережелері жарияланды. FIST штабынан командалар алты апта ішінде жинауы тиіс роботты құрастыруға арналған негізгі жинақтар жіберіледі.

Кубанычбек уулу Руслан: "Аталған іс-шара жоғары деңгейде өтті. Әр елден келген барлық командалардың роботтары бірегейлігімен ерекшеленді. Командалар тек қана қатысып қана қоймай, АҚШ-та өтетін финалға бару үшін таласқа түсті. Жарыстың бірінші күні бізде қиын мәселе туындады: атап айтсақ, біздің роботымыз байқаудың ережесіне сәйкес келмейді екен, біз оны басынан бастап қайта жасауымыз керек болды. Сырттан ешкім жәрдемдеспеуі керек еді, бірақ бізге инженерия мен робототехниканы жақсы білетін байқау волонтерлері көмектесті, осылайша біз оны өте тез құрастырып, жібердік. Бізді жарысқа қатыстырды.
Менің міндетім: роботты құрастыру және бөлшектеу болды, әр раундтан кейін роботты қадағалау, команданы үйлестіру кірді. Жалпы маған бұл сайыс пен сапар өте қатты ұнады. Мен маңызды да қызықты тәжірибе алдым. Биылғы жылы осындай халықаралық байқауға алғаш рет қатыстым,біз барлық күш-жігерімізді салып, жүлделі орындарға ие болуға тырыстық.
Осы конкурсқа қатыса отырып, мен робототехниканы ғана емес, адамдармен сөйлесіп, араластым, үлкен тәжірибе алдым. Мен әртүрлі елдердің көптеген командаларымен таныстым, Alex Francis Burchard және Jeeme Luce-мен байқауды ұйымдастырушылармен жеке таныстым, құнды тәжірибе алдым".