AlmaU атынан ұйымдастырылған «Ақылды бейсенбі»

Алматы Менеджмент Университеті (бұрынғы ХБА) мен Назарбаев Зияткерлік Мектебінің (НЗМ) ынтымақтастық аясында 3 ақпанда  AlmaU  ректоры Асылбек Қожахметов және оқу орны қамқоршылар кеңесінің мүшесі  Еркін Татишев Алматы қаласының  физика-математика бағытындағы Назарбаев Зияткерлік Мектебіне  кездесуге барды.

Қонақтар «Ақылды бейсенбі» шарасына қатысқан 7-12 сынып оқушыларымен кездесті. Асылбек Қожахметов «Өзіңді биле! Бизнесті меңгер!Уақытты игер!»  тақырыбында презентация өткізді. Тұсаукесер барысында осы жоғарғы оқу орнының миссиясы, құндылықтары жайында айтылып, НЗМ оқушыларын қызықтырған сұрақтарға жауап берілді.

Жоғарғы оқу орнында оқитын студенттер AlmaU туралы өз әсерлерін айтты, олардың ішінде НЗМ түлегі AlmaU –дың 2 курс студенті Тельман Қуан да болды. Маркетингтік коммуникация және клиенттермен жұмыс басқармасының директоры  Карина Сычева оқушыларға AlmaU –ға қалай түсуге болатыны жайлы, жоо түлектерге қандай жеңілдіктер мен гранттар ұсынатыны туралы айтып берді. Университет осындай кездесу мен  сапарларды Қазақстанның басқа да қалаларында өткізуді жоспарлап отыр. Мәселен, 11 ақпанда  AlmaU өкілдері  Петропавловскіге, ал  12 ақпанда Көкшетауға бет алмақшы.