AlmaU - Oracle Academy-дің институционалды ресми мүшесі болды
2018 жылдың 25 желтоқсанында ҚазҰТЗУ, ХАТУ, СДУ, АЭБУ және басқа да 10 университетпен қатар AlmaU –да Oracle Academy-дің институционалды ресми мүшесі болды.
Oracle Academy — АТ саласындағы әлемдік деңгейдегі Oracle компаниясының жобасы. 2017 жылы Oracle Academy 128 елдің 15 000 білім беру мекемелерімен ынтымақтастықта жұмыс істеген. Жоба қазіргі санды экономика жағдайында дүние жүзі бойынша жалпы 6,3 млн білім алушыға мамандық алу барысында көмектесуде.
Oracle Academy - компьютерлік ғылымдарды оқытудың озық жүйесін ұсынады. Бүкіл әлем бойынша ақпараттық технологиялар саласындағы білім беру және инновация мен дағдыларды, әлеуметтік-мәдени әралуандықты дамытуға ықпал етеді.
Oracle Academy-ге қатысу білім алушыларға барлық деңгейдегі ақпараттық технологиялар бойынша үздіксіз оқуға мүмкіндік береді. Жоғары білім алудағы теориялық дайындық үшін, оқу және коммерциялық емес зерттеу жұмыстары барысында пайдалануға болатын әртүрлі ресурстарға қол жеткізуге мүмкіндік береді. Бұл ресурстарға технологиялар, оқу жоспарлары мен оқу бағдарламалық қамтамасыз ету, оқушылар мен оқытушыларды оқытуға арналған семинар материалдарын, сондай-ақ Oracle сертификаттарын алу және емтихандарға дайындалу жатады. Білім алушылар АТ және бизнес саласында машықтанады және көптеген салада қолданылатын өндірістік білімді меңгереді, ал оқытушылар заманауи технологиялық үрдіспен танысып, біліктілігін арттырады.
Oracle (Oracle Corporation) —табыс көлемі бойынша бағдарламалық жүйемен қамтамасыз ететін (Microsoft-тан кейін) екінші орында тұрған американдық корпорация, ұйымдарға арналған бағдарламалар жасайтын ірі өндіруші және серверлік жабдықтың ірі жеткізушісі.
Компания бағдарламалық қамтамасыз ету мен бизнес-қосымшаларды байланыстырушы (ERP - және CRM-жүйелерді, мамандандырылған салалық қосымшаларды) деректер қорының басқару жүйесін шығаруға маманданған. Компанияның ең танымал өнімі-Oracle Database, ол компания құрылған сәттен бастап шығарылады. 2008 жылдан бастап корпорация интеграцияланған ақппараттық-бағдарламалық кешендер шығарумен айналысады, ал 2009 жылдан бастап Sun Microsystems-пен қосылғаннан кейін серверлік жабдық өндірушісі болды, бұған дейін компания тек бағдарламалық қамтамасыз ету жүйесін шығарған.
Корпорацияның бөлімшелері 145-тен астам елде орналасқан. Корпорацияның Штаб-пәтері АҚШ-та, Калифорния штатында, Сан-Франциско қаласының жанында орналасқан.
