AlmaU-да ғылым қызметкерлері күні аталып өтті

Қазақстанда 12 сәуір күні Ғылым қызметкерлері күні аталып өтеді. Тарихқа көз жүгіртсек, бұл мереке академик және Қазақ КСР Ғылым Академиясының тұңғыш Президенті Қ. И. Сәтбаевтың туған күніне орайластырылған.

Осы атаулы күні AlmaU университетінде ғылыми топпен университет ғылымының қазіргі жағдайы, міндеттері мен даму болашағы туралы талқылау өтті.

AlmaU ректоры Күренкеева Гүлнара Тұрдалықызы құттықтау сөз сөйлеп, университет ұжымын ғылым күнімен құттықтап, оқу үдерісінде ғылыми зерттеулер мен әзірлемелерді насихаттау қажеттігін атап өтті.

Ғылым жөніндегі проректор Сәркеев Бақытжан Құрманбайұлы ғылыми-зерттеу қызметінің негізгі нәтижелері мен университет ғылымын дамыту контекстінде AlmaU алдында тұрған негізгі міндеттер туралы айтты.

Жылы құттықтауларға университеттің академиялық даму жөніндегі проректоры Арын Әсел Арынқызы қосылды. Ол өз сөзінде студенттердің ғылыми-зерттеу құзіреттілігін қалыптастырудың, педагогикалық ұжым мен студенттерді ғылыми-зерттеу қызметіне тартудың тиімді үлгілерін табудың маңыздылығына тоқталды. Сонымен қатар, шарада мектеп Декандары, оқытушылар мен докторанттар да сөз сөйледі.

Шара нәтижесінде AlmaU ғылымының дамуына және ғылыми қызметкерлерді даярлауға үлес қосқан профессор-оқытушылар құрамы мен AlmaU қызметкерлері Құрмет грамоталарымен марапатталды