Қазақстан футбол құрамасының жеңісі және футбол менеджерлерін даярлаудың жаңа көкжиегі
Қазақстан мен Дания құрамалары арасындағы Еуропа чемпионатының іріктеу кезеңіндегі матчта біздің футболшылар 3:2 есебімен өте маңызды жеңіске жетті. AlmaU жанкүйерлер мен футболшыларды осы керемет нәтижемен құттықтайды.
Бұл жеңіс Қазақстандағы футбол менеджерлерін оқытудың жетістігі десе болады. Өйткені, футбол менеджерлерінің білімі мен дайындығы – футбол индустриясын дамытудың маңызды элементі.
2023 жылғы 27-29 наурыз аралығында AlmaU мен ҚФФ арасындағы ынтымақтастық аясында «Футбол ұйымын басқару» бойынша офлайн интенсиві басталды. Ол Премьер-Лига, Қазақстан Бірінші лигасы футбол клубтарының бірінші басшылары үшін өткізіледі. ҚФФ президенті Әділет Барменқұлов, УЕФА ұлттық қауымдастығының стратегиялық даму департаментінің директоры Илья Китич және біздің ректорымыз Гүлнар Күренкеева тарихи оқиғаның куәсі болды.
Интенсивтің арнайы шақырылған қонағы, спикері – Coventry University профессоры және спорттық менеджмент бойынша әлемдегі ең үздік бағдарламалардың бірі, футбол ұйымдарын басқаруда бай академиялық және кәсіби тәжірибесі бар – Dr. Майкл Анагностоу. Сонымен қатар, бірлескен бағдарлама спикерлері Almaty Management University тәжірибелі оқытушылары, футбол индустриясының мамандары, сондай-ақ екі тараптың серіктестері.
Сәуір айының соңында интенсив онлайн өтеді. Бұл бағдарлама футбол индустриясында дамығысы келетін футбол менеджментіне арналған.
Осы бағдарламалар негізінде футбол менеджментінде Pre-MBA және MBA әзірленетінін атап өтеміз. Курс аяқталғаннан кейін қатысушылар сертификат алады. Ал бұл сертификат MBA аясында толыққанды курсқа түсу кезінде ескеріледі.
    |
Естеріңізге сала кетейік, бұған дейін Almaty Management University және Қазақстан футбол федерациясы өзара ынтымақтастық туралы меморандумға қол қойды. Меморандумның мақсаты – футболды халық арасында насихаттау, сондай-ақ футбол индустриясындағы менеджменттің біліктілігі мен құзыреттілігін арттыру. елісім аясында футбол менеджерлеріне арналған білім беру курстары мен бағдарламаларын іске қосу жоспарланған.
