AlmaU-да Интеллектуалды Ойындардан 10-шы Қазақстан Чемпионаты өтті

2022 жылдың 8-9 қазанында Алматыда интеллектуалды ойындардан 10-шы мерейтойлық Чемпионат өтті. Қазақстанның сегіз қаласынан келген командалар үшінші мәрте AlmaU-да бас қосты.

«Приятные люди» командасы 2022 жылдың чемпионы атанды. Күміс жүлдені «Простые работяги» алса, «Brain Art» командасы қола жүлдегер атанды.

Чемпионат төрт бағыт бойынша өтті: «Не? Қайда? Қашан?», Брейн-ринг, Өз ойыны және Хамса. Зияткерлік ойынға Алматы Менеджмент Университеті үшінші жыл қатарынан қолдау көрсетті.

«Ең жақсы инвестиция – білімге қосқан үлес. Дәл осы саясатты AlmaU 33 жылдан астам уақыт ұстанып келеді. Біздің университет әрқашан жас талапкерлерге қолдау көрсетуге көңіл бөледі. Ол үшін AlmaU тегін білім алудың көптеген нұсқасын қарастырды: демеушілік және ішкі гранттар.
Сонымен қатар өткен жылдан бастап біз барлық үміткерге қос диплом алу мүмкіндігін береміз: қазақстандық және америкалық. Оған қоса АҚШ-та жұмыс істеу мүмкіндігін ұсынамыз» – дейді AlmaU университетінің ғылым жөніндегі проректоры Бақытжан Сәркеев.