AlmaU-да республикалық олимпиаданың жеңімпаздары оқитын болады!

Aлматы Менеджмент Университеті «ДАРЫН»  Республикалық ғылыми-практикалық орталығы  және «Джуниор Эчивмент Казахстан» қоғамдық қоры мен ҚР Білім және ғылым министрлігінің  ұйымдастырған олимпиадалар мен байқаулардың жеңімпаздарын марапаттауына  қатысты.

«Дарын» орталығы және «Джуниор Эчивмент Казахстан» қорымен серіктестік аясында  AlmaU, міне, бірнеше жылдан бері аталмыш ұйымдастырушылардың өткізген олимпиадалары мен байқаулары жеңімпаздарына  университетімізде  оқуға  жеңілдіктер береді. Дегенмен, осы жолы бұл шараның ұйымдастырылуы соншалық   ауқымды болды – биыл  AlmaU    жаратылыстану –математикалық бағыттағы және қоғамдық-гуманитарлық бағыттағы пәндер бойынша 36 жеңімпазға және жүлдегерлерге  100%  грантпен, 50%  немесе  25% жеңілдікпен  1-ші, 2-ші, 3-ші дәрежелі  сертификаттарды тапсырды.

Жаратылыстану –математикалық циклдегі пәндер бойынша олимпиаданы  «Дарын» орталығы Көкшетауда 14 мен 19 наурыз аралығында өткізген,  қоғамдық-гуманитарлық пәндер бойынша олимпиаданы  Петропавлда  25 мен 28 наурыз аралығында  ұйымдастырған.  Жаратылыстану-математикалық бағыттағы пәндер бойынша соңғы кезеңге  еліміздің бүкіл аймақтарынан   735 оқушы қатысты, ал қоғамдық-гуманитарлық бағыттағы пәндер бойынша  қатысқаны  577 оқушы.

Олимпиаданың басты мақсаты – оқушылардың шығармашылық қабілеттерін дамыту, теориялық білімдерін және практикалық дағдыларын  тереңдету, тұлғаның өзін-өзі жетілдіруіне және дамытуына жағдай жасау,   дарынды оқушыларды анықтау үшін кәсіптік бағдар мен болашақтағы интеллектуалдық дамуына  қолайлы жағдай жасау;  білім алушыларды халықаралық олимпиадаларға қатысуға іріктеу және дайындау, Қазақстан Республикасында  білім беру мәртебесін арттыру. Ережеге  сәйкес, олимпиада 4 кезеңде өтеді:  І кезең – мектептік; 2) ІІ кезең – аудандық (қалалық); 3) ІІІ кезең – облыстық; 4) ІҮ кезең – қорытынды (республикалық).

Сонымен қатар, Алматы қаласында  27-30 наурызда  «Джуниор Эчивмент Казахстан» қорының ұйымдастыруымен экономика бойынша XI Республикалық  турнир өтті. Турнир жеңімпаздарына  AlmaU-да оқуға    100%  грантпен, 50%  немесе  25% жеңілдікпен  1-ші, 2-ші, 3-ші дәрежелі  сертификаттар берілді.

Жеңімпаз атанғандар:

1.     100% грант - Хамзахан Таңшолпан - 1 -орын,  №148 мектеп-гимназиясы,  Алматы қаласы;

2.     50% жеңілдік - Алтынбек Аружан - 3 -орын, №9 мектеп-гимназиясы,  Қызылорда;

3.     25% жеңілдік - Жарасов Елжан - «Үздік теоретик» номинациясында грамота алды, Назарбаев Зияткерлік мектебі,  Астана қаласы;

Турнирге  10 аймақтан, Астана мен Алматы қалаларынан  62  жоғары сынып оқушысы қатысты, соның ішінде 32-сі бітіруші сынып оқушылары.