«Antiqua аймағы». Антикалық дәуірге толықтай ену!

29 сәуірде Алматы Менеджмент Университетінде «Antiqua аймағы» атауымен жыл сайын өткізілетін  Mister &Miss AlmaU  студенттік байқауы ұйымдастырылды.

Mister & Miss AlmaU – біздің университет студенттерінің жыл сайын ұйымдастырылатын іс-шарасы, мұнда әрбір студент өз дарындылығын жан-жақты көрсетуге мүмкіндік алады.

Биыл көрермендерге бұл  іс-шара  жаңа форматта ұсынылды. Байқауды ұйымдастырушы  Хазрет Өміров және  Алик Меньщиков  Mister & Miss AlmaU байқауының бұрыннан қалыптасқан  тәртіптерін бұзып, оны көне заман театры стилінде өткізді.

Қазылар алқасы құрамына белгілі және дарынды әртіс  («Параграф 78», «Көшпенді») және режиссер-сценарист Азиз Байшеналиев, жазушы, ҚР Жазушылар Одағы мүшесі,  «PEN» Халықаралық Жазушылар Ынтымақтастығы мүшесі Үміт Тажикен, стратегиялық маркетинг және коммуникация басқармасы директоры  Нурия Хасанова, сонымен қатар AlmaU омбудсменті Ирина Хан кірді.

Байқау барысында студенттер антикалық дәуір рухын беретін сахналық көріністер қойды. Студенттердің сахнада көрсеткендері әрбір көрерменнің жүрегіне жол тауып, бәрін таң қалдырды.

Байқаудың қорытындысы бойынша жеңімпаз аталғандар - Сұлтан Айгараев (3 курс студенті) және  Тарика Қазақбай ( 2 курс студенті). Байқауға қатысушылардың барлығы  дайындық барысында жеңіс туралы ұмытып, тек қана антикалық кезеңді дәл беруді  әрі көрермендердің рухани тазарғанын ойлағанын  айтады!