Illinois University at Urbana-Champaign университетіндегі тағылымдама

Алматы Менеджмент Университетінің оқытушылары 2022 жылдың 3 наурыз және 4 желтоқсан аралығында «Болашақ» бағдарламасы бойынша АҚШ-та тәжірибеден өтті. 

Тағылымдама барысында Global Education Training орталығының мүмкіндіктерін  пайдалана отырып, студенттерді оқыту әдістерін меңгердік. Бұл бағыттар бойынша сабақтар Illinois University at Urbana-Champaign университетінде профессор Boo-Linn Cheelan жетекшілігімен өтті. Нәтижесінде студенттерді оқыту бойыншажаңа оқыту технологияларын қолдану арқылы көрнекі онлайн-курс құрылып және оған қатысты оқыту-әдістемелік кешен жасалды. 

Тағылымдама барысында Illinois University at Urbana-Champaign департамент өкілдерімен кездесулер өткізілді. Кездесуде университеттің заманауи технологиялармен жабдықталған, жергілікті желіде және Интернетте орналастырылған, өзекті студенттерді оқыту деректеріне негізделген, барлық мүдделі тұлға қол жеткізе алатын электрондық педагогикалық ресурстар көрсетілді. Бұл оқыту технологиялары университеттіңстуденттері мен оқытушыларын оқу процесін ақпаратпен қамтамасыз етуге арналған. Олар барлық мүдделі тұлғаның  қолжетімді оқу және ғылыми зерттеуге қажетті деректерге еркін қол жеткізуін және оларды кейіннен тиімді пайдалануын қамтамасыз етуге мүмкіндік береді. Нәтижесінде тағылымдама табысты өткенін растайтынсертификаттар табысталды.

Тағылымдама соңында әрбір оқытушымен оқыту пәні бойынша онлайн курстың видео сабақтары түсіріліп және оған оқу-әдістемелік кешен жасалды. Зерттеу тақырыптарына сай  ғылыми мақалалары жарияланды, сонымен қатар болашақта да оқу-ғылыми серіктестікті дамыту мақсатында әріптестермен байланыс орнатылды. 

э.ғ.к., Senior Lecture Аязбаева Г.Н.