«Scopus AlmaU: зерттеу жұмыстарына байланысты мақалаларды жариялау басталды»

AlmaU-да "Scopus базасы журналдарында зерттеу жұмыстарына байланысты мақала жариялаудың" бірінші жобалық  курсының  басталғанына бір ай өтті.  Алда әлі жұмысқа толы екі ай бар.

Курс жұмысы барысында қатысушылар Scopus базасы журналдарының форматына сәйкес зерттеу мақалаларын дайындайды:идеяларды жүзеге асырады және  дайындаған  жұмыстарын жариялайды. Университеттің ПОҚ, докторанттары мен қызметкерлері үшін курсқа қатысу тегін. Тыңдаушыларға ыңғайлы болу үшін курс ұйымдастырушылары әр кездесудің тақырыбы бойынша жұмыс діптерін (workbook) ұйымдастырған. Дәріс материалдары e-mail арқылы және what's app арқылы жіберіледі.

Курстың менторы ретінде шетелдік университеттер мен ірі халықаралық ұйымдарда зерттеу жұмыстарын жүргізетін және практикалық тәжірибесі бар университет қызметкерлері мен зерттеушілер және басқа да спикерлер (қазақстандық және шетелдік зерттеушілер, Elsevier (Scopus), Web of Science өкілдері) шақырылған.

Алғашқы уақытта курсқа AlmaU-дың 70-ке жуық оқытушылары, қызметкерлері мен докторанттары тіркелді. Апта сайын курсқа 30 адам қатысады, 50-ден астам адам қызығушылық танытуда.

Қазіргі уақытта тыңдаушылар өз зерттеу жұмыстарының тақырыбын жан-жақты қарастырып, қажетті әдебиеттерді іздестіріп, оны  іріктеумен айналысуда. Олар  мақаланы құрастыруда және зерттейтін  мәселенің ерекшелігіне байланысты  әдістерін ойластыруда.

Айта кетерлік бір жағдай, аталған курсқа жас студенттер, болашақ зерттеушілер де қатысуда. Олар  1-2-3 курста ғылыми зерттеулерді қалай дұрыс жүргізу керек және мақаланы қалай жазу керектігіне  қызығушылық танытуда.

Жұмыстың бірінші айы аяқталғаннан кейін тыңдаушыларды іріктеу жүргізіледі, олар одан әрі мақалалар құрастыру бойынша жұмыс істеуді жалғастыратын болады.

Ұйымдастырушылар атынан  курс тыңдаушыларына алғыс білдіргіміз келеді. Себебі сіздердің курсқа деген қызығушылықтарыңыз, ынталарыңыз, дәрістерге қатысу үшін уақыт бөлулеріңіз  бізді жігерлендіреді. Біздің құрметті спикерлерімізге өз білімдерімен және бағалы тәжірибелерімен бөліскендері  үшін алғысымызды білдіреміз.

AlmaU-да өткізіліп жатқан  "Scopus базасы журналдарында зерттеу мақаласын жариялау"  курсы-бұл жай ғана дәрістер емес, бұл әр түрлі департаменттер мен мектептердегі  әріптестермен апта сайын кездесулер, пікір алмасу, сыни көзқарастар, көптеген сұрақтар және мақала жазудың дұрыс жолы болып табылады.