EFMD Global өкілдерімен кездесу туралы

2019 жылдың 28 қазанында AlmaU-да EFMD Global компаниясының өкілдері, сапа жөніндегі директор, профессор Дэвид Эш және операциялар менеджері Арсений Халябович болды.

EFMD - менеджментті дамытуға бағытталған ғаламдық коммерциялық емес ұйым. Ұйым оқу орындарымен және бизнес-мектептермен бірге әрекеттеседі, олардың білім беру бағдарламаларының сапасын аккредиттейді. EFMD әлемнің 91 елінен 900-ден астам мүшелерді біріктіріп, бизнесті басқарудың әлемдік озық тәжірибелерін насихаттайды.

Ресми кездесуге университет Ректоры Гульмира Қурганбаева, академиялық даму жөніндегі проректор Асель Арын, ректордың интернационализация және ғылым жөніндегі кеңесшісі Айгерім Кауменова, сонымен қатар Жоғары менеджмент мектебінің бағдарлама лидерлері, рейтинг және аккредитациялау бөлімі, AlmaU халықаралық кеңсесінің өкілдері қатысты.

Кездесу барысында тараптар жоғары оқу орындарында менеджментті дамыту саласындағы ынтымақтастық және тәжірибе алмасу мүмкіндіктерін талқылады. Мазмұнды әрі нәтижелі кездесу болды, себебі  EFMD Global мен Almaty Management University арасындағы серіктестік туралы жоспар да талқыланды.