Оқытушылар Party-і 2022: Қалпақтар шеруі

2022 жылдың 12 қарашасында университетте Педагогикалық шеберлік басқармасы ұйымдастырған «Оқытушылар Party – 2022. Қалпақтар шеруі» өтті. Шараның мақсаты – жаңа оқытушылармен жақынырақ танысу, ұжымдағы сыйластықты арттыру. Сонымен қатар Педагогикалық шеберлік басқармасының оқытушыларын біріктіре отырып, ұжымдағы командалық рухты көтеру. AlmaU достықтың мекені екенін осындай шаралардан-ақ анық байқауға болады.

Өкінішке қарай дәстүрге айналған шара пандемия кезінде тоқтап қалды. Оқытушылар Party-інің биылғы ерекшелігі – қатысушылардың әртүрлі стильдегі қалпақтармен келуі.

Университеттің ТОП-менеджерлері мен профессорлық-оқытушылық құрамы бұл күні түрлі қалпақпен таңғалдыруға тырысты.

AlmaU-да түрлі саладағы адамдар жұмыс істегенімен оларды білімге деген сүйіспеншілік біріктіреді.

Кештің қыза түсуіне викториналар мен байқаулар, ойындар мен әндердің шырқалуы да себеп болды. Топ-менеджерлер мен студенттер әртүрлі музыкалық нөмір көрсетіп, мерекелік көңіл-күй сыйлады. Шара соңында арнайы мерекелік дастархан да жайылды.

Ұйымдастырушылар ең ерекше кейіпте келген 5 қатысушыны сыйлықсыз қалдырмады. Жеңімпаздардың қатарында Тілдер орталығының оқытушысы Наталья Кузнецова бар.

Құлақшын киіп ерекшеленген Кәсіпкерлік және инновация мектебінің практика профессоры Айбол Мухсиынов шараға өзгеше дайындықпен келгенін дәлелдеді.

Ал Цифрлық технологиялар мектебінің деканы Қуаныш Абешев айрықша шапанымен таңғалдырса, Медиа және кино мектебінің практика профессоры Екатерина Корабаева Мексиканы еске түсірді.

Цифрлық технологиялар мектебінің аға оқытушысы Наталья Королева ковбойлық қоңыр шляпасымен әріптестеріне көтеріңкі көңіл сыйлады.