Қазақстан футбол федерациясының президенті AlmaU-да болды

Қазақстан Футбол Федерациясы өкілдерінің AlmaU басшылығымен кездесуі өтті. Басты мақсат – университет пен ҚФФ арасындағы ынтымақтастық орнату. Сонымен қатар, менеджерлер мен басқару мамандарын оқыту, олардың санын көбейту және біліктілігін сапалы түрде арттыру болмақ.

Делегация құрамында ҚФФ президенті Әділет Назарбайұлы Барменқұлов және Футбол Федерациясының даму жөніндегі директоры Дудин Андрей Юрьевич болды.

Жиын барысында Спортты басқару орталығының директоры Арсен Бөлеков орталықтың қызметі туралы айтып, ағымдағы бағдарламалар мен алдағы даму жоспарларымен бөлісті. Кездесу нәтижесінде, AlmaU және ҚФФ ресурстарын пайдалана отырып, бірлескен жобаларды жүзеге асыру үшін жұмыс тобын құру туралы шешім қабылданды.