«StudentDigitalFest-2022» байқауында AlmaU-дың командасы жеңді

2022 жылы 29-30 қыркүйекте Дүниежүзілік мұнай кеңесінің VII Жастар форумы «Энергетикалық ауысу: ұрпақтар диалогы» аясында Алматыда «StudentDigitalFest-2022» байқауының финалы өтті. Финалда 7 үздік команда кездесті. Үздіктер қатарында Цифрлық Технологиялар Мектебінің «MAYDAI» және «Dispose» командалары болды.
Байқаудың ерекшелігі – әрбір техникалық тапсырма аясында цифрландыру немесе процесті автоматтандыру элементтерімен жаңа технологиялық шешім ойлап табу жүктелгені. Төрт ай бойы 21 команда белгілі бір тақырып бойынша жұмыс істеді.

«StudentDigitalFest-2022» «Қалдықтарды басқарудың автоматтандырылған жүйесі» номинациясы бойынша AlmaU-дың «Dispose» командасы жеңімпаз атанды.
Жарысқа Astana IT-university, ХАТУ, Ш.Уәлиханов атындағы Көкшетау мемлекеттік университеті, ҚБТУ және Назарбаев университеті сияқты басқа ЖОО-дан командалар қатысты.
Байқаудың басты мақсаты – цифрландыру саласындағы технологиялық шешімдерді әзірлеу бойынша жастардың бастамалары мен инновациялық жобаларын қолдау.