Оқыту онлайн форматына көшуі

Студенттер мен оқытушылардың денсаулығына қамқорлық жасай отырып, Ғылыми кеңестің 2021 жылғы 25 наурыздағы № 7.1 кезектен тыс отырысында 1 курс студенттерінің барлық сабақтарын 26.03.2021 ж. бастап 2020-2021 оқу жылы аяқталғанға дейін онлайн форматқа ауыстыру туралы шешім қабылданды. Осындай оқшаулау шаралары вирустың таралуын тоқтатуға көмектесуі мүмкін.

Онлайн форматта оқуға ауысуға байланысты төмендегі жағдайларға көңіл аудару керектігін ескертеміз:

Түзетілген сабақ кестесі Platonus-та бүгін - 25.03.2021 17: 00-ден кейін жүктеледі.

2. Жеке кесте бойынша онлайн оқып жатқан 1 курс студенттері енді өз топтарының студенттерімен бірге онлайн режимінде оқитын болады.

3. Бұрын оқуға ресми түрде рұқсат алған студенттер университеттің ғимаратына келіп, барлық санитарлық нормаларды сақтай отырып, оқуды одан әрі жалғастыра алады.

4. Жазғы емтихан сессиясы онлайн-форматта ауызша, жазбаша, тест жазу және кешенді емтихан тапсыру түрінде өткізіледі. Жазбаша және тест емтихандары үшін Aero прокторинг жүйесі қолданылады.

5. Барлық практикадан өту және есеп тапсыру академиялық күнтізбелік кестеге сәйкес онлайн форматта өткізіледі.

6. Оқу бітірушілерге қорытынды аттестаттау (кешенді емтихан және / немесе дипломдық жоба қорғау) академиялық күнтізбеге сай онлайн режимінде жүзеге асырылады.

Коронавирустың алдын-алуға арналған нұсқауларды орындауларыңызды сұраймыз.

Сұрақтарыңыз туындаған жағдайда  топ эдвайзеріне хабарласа аласыздар.