2028 жылға дейін ашылмасын!

Aлматы Менеджмент Университетінде 3 қыркүйекте Жаңадан салынып жатқан  университет ғимаратының орнына  ескерткіш капсула салу салтанаты  өтті. Рәсімге AlmaU Қамқоршылық кеңесінің мүшелері қатысты.

Жаңа Кешен құрылысы қызу жүріп жатыр - осы жылдың қазан айында әйнекті «білім пирамидасы» көкке өрлеген  тамаша Атриумда  жоо-ның алғашқы  іс-шарасы өтеді, яғни Іскери әкімшілік Магистрлеріне арналған Graduation MBA AlmaU 2016 салтанаты.  Атриумның қасынан заманауи 6 қабатты кең және ыңғайлы кабинеттерімен оқу ғимараты тұрғызылып жатыр. Соңғы техникамен жабдықталған, жаңа кампус Alma University оқу орнының өзіндік бір мақтанышына айналмақшы, оның айғағы ұйымдастырылған салтанатты кеш.

Сингапур технологиялық университеті негізін қалаушы, президенті Тан Чин Tiong, ҚР Парламенті Мәжілісінің депутаты Серік Сейдуманов, «Raimbek Group» директорлар Кеңесінің төрағасы Райымбек Баталов, «Kusto Group» директорлар Кеңесінің төрағасы Еркін Тәтішев, «Forbes Kazakhstan» ӨМГ директорлар Кеңесінің төрағасы Арманжан Байтасов және басқа да құрметті қонақтар өздерінің тілектерін AlmaU болашақ студенттеріне, профессорлық-оқытушылық құрамы мен қызметкерлеріне арнап жазды. Тілектер жазылған капсуланы тек 2028 жылы Университеттің  40 жылдық мерейтойында  ашуды жоспарлады.

Осы іс-шараға Алматы Менеджмент Университетінің негізін қалаушы әрі президенті  Асылбек Қожахметов қатысып, тікелей өзі капсуланы жаңа ғимараттың қабырғасына цементтеді.  Сол жердегі құрылысшылар оның бәрін сапалы жасағанын атап кетті, себебі президент жас кезінде студенттердің құрылыс отрядын басқарған еді.