AlmaU-дағы Наурыз: керемет, көңілді, әсерлі!

Алматы менеджмент университеті Наурыз мерекесін кеңінен атап өтті.

Наурыз көктемнің оралуымен, жаңа жылдың басталуымен, тіршіліктің оянуымен байланысты.

Ұлттық жаңарту мерекесіне AlmaU алдын ала дайындалды. 

Бұл күні университет мереке қонақтарына мәдени және спорттық бағдарлама дайындады. Аулаға киіз үйлер тігілді.

Қонақтар нағыз керамикалық шеңберде құмыра, білезік жасап, Эльдани қайырымдылық қорындағы балалардың керамикалық ыдысын бояды. Сондай-ақ тоғызқұмалақ, асық, үстел теннисі мен шахматты ойнады. Қол күресте, жаппай күресте, кір көтеруде және басқа да ұлттық спорт жарыстарында бақ сынады.

Іс-шараның ашылуы ерекше болды. Тойдың шымылдығын «Юксал» ұйғыр соқпалы-үрмелі аспаптар ансамблі ашты.

Құттықтау сөздері айтылды, музыка ойнады, әндер шырқалды. Студенттердің қойылымдары әсерлі болды.

Наурыз қарсаңында университетте жыл сайын қызметкерлер мен оқытушылар арасында «AlmaU даусы» байқауы өткізіледі.

Бұл күні қонақтар «Әлемнің барлық тілінде ән айту» номинациясының күміс жүлдегері, Language Center-дың аға оқытушысы Мария Бегунованың қытай тіліндегі «Сен болмасаң» әнін тыңдады.

Мереке үшін арнайы студенттік домбыра квинтеті құрылды.

Олар да қонақтарды өнерлерімен таң қалдырды.

Ұлттық мерекеге арналған ауқымды іс-шара түрлі байқаулармен жалғасты:

Самауырынды қайнату бойынша байқау

Бауырсақ жеу бойынша байқау

«Қыз қуу» байқауы

Жиналғандар университеттің шығармашылық студенттерінің қатысуымен өткен концерттік бағдарламаны тамашалады. Сонымен қатар мереке қонақтары мен қатысушылары кәдесыйлар мен зергерлік бұйымдар көрмесімен танысып, ұлттық тағамдар мен дәстүрлі Наурыз көжеден дәм татты.

Сәнді костюмдер, халық әндері мен билері ұлттық рухты көтеріп, достық атмосфераны қалыптастырып, көтеріңкі көңіл-күй сыйлады.

Іс-шара шынымен есте қаларлықтай өтті. Барлық қатысушы жадырап шықты.

Бәрі жақсы өтті деп айту аздық етер. Бәрі керемет, көңілді, әсерлі өтті!

Фотосуреттерді қарап шығыңыз да жарқын эмоцияларды сезініңіз. Ол үшін мына сілтемеге өтіңіз: https://zhandosberikov.kz/disk/almau