Саясат Нұрбек Cintana Education президенті Рик Шангроумен кездесті

6 желтоқсанда Астанада ҚР Ғылым және жоғары білім министрі Саясат Нұрбек Cintana Education президенті, Алматы Менеджмент университетінің Қамқоршылық кеңесінің мүшесі Рик Шангроумен, AlmaU-дың президенті Асылбек Қожахметовпен, ректоры Гүлнар Күренкеевамен, академиялық даму бойынша проректоры Әсел Арынмен кездесті. 

Кездесу барысында AlmaU, Arizona State University, Cintana Education арасындағы ерекше үшжақты ынтымақтастығының маңыздылығы айтылды. Сонымен қатар университет Қазақстандағы жоғары білімді қалай ілгерілету бойынша өз ұсыныстарын ортаға салды. 

Мысалы, Қазақстанның жоғары білім берудің өңірлік хабына айналуға мүмкіндігі бары, ол үшін әлемдік неше түрлі модельдерді қолдануға болатыны сөз болды. Онымен қоса университет басшыларын оқытуға арналған көптеген бағдарлама болғанымен қадағалау жоғы ашық айтылды. Операциялық менеджерлерге арналғаны бағдарламалар жоғы да тілге тиек болды. 

Нәтижесінде аталмыш оқу орны бұл мәселелерді шешу бойынша идеяларын бөлісті. AlmaU ғылым мен ғылыми жетістіктерді коммерциализациялау мәселесін көтерді. Бұл ұсыныстардың бәрі Arizona State University-дың сан жылдық тәжірибесіне негізделген. ASU - Америкадағы ең белді оқу орны. AlmaU серіктесінің тәжірибесін негізге ала отырып министрлікке ғылыми жобаларды коммерциализациялаудың механизмдерін ұсынды. 

Саясат Нұрбек Ғылым комитеті мен Жоғары және жоғары оқу орнынан кейінгі білім комитетіне AlmaU ұсынып отырған модельдерді зерттеуді тапсырды.