MBA түлегі Захира Бегалиева 2022 жылғы MBA Leadership Award сыйлығының екінші орын иегері

Захира Бегалиева – AlmaU Жоғары бизнес мектебінің 2017 жылғы MBA түлегі. Ол 2022 жылғы MBA Leadership Award номинациясы бойынша финалға өтіп, екінші орынға ие болды.  

21 қаңтарда әлемдік бизнес білім беру қауымдастығының жетекші өкілдері мен аккредиттелген бизнес мектептері арасында The AMBA & BGA Excellence Awards 2022 MBA қауымдастығының жыл сайынғы сыйлығы өтті.  

MBA Leadership Award сыйлығы оқу бітіргеннен кейін бизнес әлеміне әсер еткен AMBA аккредиттелген бизнес мектептерінің түлектеріне беріледі. Онда түлектердің жетістіктері, өнімділігі мен  танымалдылығы назарға алынады. Захира Бегалиева 2017 жылы MBA-ді бітіргеннен кейін digital саласында 10-нан астам табысты жобаны іске қосты. Солардың бірі әрі ең бірегейі – әлеуметтік осал топ өкілдеріне тез арада сұранысқа ие мамандық иесі атануға қол ұшын созу және қаржылық деңгейін көтеруге атсалысу.  

Захира еліміздегі әлеуметтік осал топтарға арналған  алғашқы Тeach me тегін инклюзивті онлайн-мектебін ашты. 

Ерекше білім беру қажеттіліктері бар жасөспірімдерге арналған «LEADER Z» кәсіптік бағдарлау онлайн мектебін іске қосты.