Сәлем, біз «бадди» немесе серіктес іздеудеміз!

AlmaU –дың магистранттармен және студенттермен жұмыс Деканаты университетке білім беру бағдарламалары және алмасу бағдарламасы бойынша оқуға келген шетелдік студенттерге волонтер-бадди, көмекшілер жинап жатыр.

Биыл бізде 10 елден келген (Испания, Франция, Германия, Түркия, Оңтүстік Корея, Қытай, Ресей, Қырғызстан, Өзбекстан, Тәжікстан, Нигерия) 62 студент білім алуда. Олардың әрқайсысына осында, бөгде елге келгеннен кейін  түрлі мәселелер бойынша көмек керек.

Баддидің міндеттері: өзіне «қарасты» студентті әуежайдан күтіп алу керек, тұратын жеріне орналастыру, оқу орнымен таныстыру, тұрмыстық мәселелерден хабардар ету, мәселен, банкі карточкасын қалай ашу, медсақтандыруды алу, метрода жүру деген сияқты сұрақтар бойынша ақыл-кеңес беру керек. Сонымен қатар баддидің  қалауы болса, шетелдік студенттердің бос уақытын ұйымдастырып, мәдени бағдарлама құрып, студенттер өміріне бірге қатысады.

Университеттің кез келген студенті волонтер-бадди бола алады, сіздердің қай курста оқитыныңыз, мамандығыңыз маңызды емес.  Басты талап: ағылшын тілін еркін білу, тіл табыса білу, оң көзқараста болу. Басқа да шет тілін білсе, құба-құп, Алматыны, оның көркем жерлерін  жақсы білгені жөн.

Өтінімді осы сілтеме бойынша толтыруға болады.  Толтырылған үлгіні мына электронды поштаға dekanat.rs@gmail.com. жіберіңіз. Толық ақпарат алу үшін  AlmaU 208 бөлмеге келіңіз.