Фрэнсис Фукуяма AlmaU-ға келді

Алматыда 21 тамызда "Орта Азия дамуының Көшбасшылық академиясы" бағдарламасы басталды. Бұл мемлекеттік қызметкерлердің орта және жоғары буыны, сондай-ақ жергілікті бизнес пен азаматтық қоғам көшбасшыларының іріктелген тобына арналған бес күндік бағдарлама. AlmaU ОА үшін маңызды іс-шараны өткізетін серіктес университет атанды.

Бағдарлама Фрэнсис Фукуяманың "Мемлекеттік саясат мәселелерін шешу негіздері" дәрісінен басталды.

Фрэнсис Фукуяма – саясаттану бағыты бойынша құрметті профессор, әлемдік ойшыл, "Тарихтың соңы және соңғы адам", "Сенім", "Сәйкестік" сияқты іргелі зерттеу жұмыстарының авторы. 2021 жылы Мемлекет басшысы Тоқаев пен Фукуяма постковидтік кезеңдегі геосаяси тәртіп эволюциясының перспективаларын талқылады. 2 жылдан кейін профессор Қазақстанға алғаш табан тіреді.

Орталық Азиядан келген 35 тыңдаушы Эрик Дженсеннен, Мэри Хильдербрандтан, Эрик Хонцтан дәріс алады. Тұтастай алғанда, даму көшбасшылығы академиясы (LAD) жеке секторға экономикалық өсу мен дамудың сындарлы күшіне айналуға көмектесу үшін дамушы елдердің мемлекеттік қызметкерлері мен бизнес көшбасшыларын дайындайды. Ол қиын және даулы жағдайларда ақылға қонымды мемлекеттік саясатты ілгерілету арқылы реформалардың тиімді көшбасшылары болуды үйретеді.

"Стэнфорд университетінің Демократия және іске асыру құқығы мектебі Қоғамдық саясат мәселелерін шешуге арналған нақты кейстердің бірегей үлгісін әкелді. Бұл үкіметтік және халықаралық стратегияларда кездесетін проблемаларды шешудің жай ғана тәсілі емес. Мұнда мәселе ашық ұсынылады және біздің өңірдің қатысушылары, үкіметтің, жеке сектордың, азаматтық қоғамның өкілдері бірлесіп талқылайды және қандай да бір шешімге, компромиске келіп, нақты ұсыныстар береді. Осылайша, бұл мәселе бизнестің, биліктің, азаматтық қоғамның және зерттеуші-академиктердің диалогы арқылы нақты мәселелерді шешу процесін алға жылжытады. Бұл кеңістік барлық сектордың бірігуі", – деп атап өтті бірлескен ұйымдастырушы, халықаралық жеке кәсіпкерлік орталығының (CIPE) өкілі Собир Курбанов.

AlmaU-мен қатар Стэнфорд университетінің Демократия, даму және заң үстемдігі орталығы (CDDRL)-мен қатар Орталық Азия саяси зерттеулері (Caps Unlock) сияқты ұйымдар да бірлескен ұйымдастырушылар қатарынан табылды.

Бағдарламаға қатысушы, AlmaU саясат және құқық мектебінің саяси зерттеулер орталығының директоры Даниал Саари бірінші күннен кейін алған әсерін бөлісті:

«Мені Фрэнсис Фукуяма мен Мэри Хильдербранд сияқты танымал және тәжірибелі ғалымдардан сабақ алу мүмкіндігі шынымен шабыттандырады. Олардың саясаттану және даму саласындағы терең білімі мен тәжірибесі көптеген елдердің алдында тұрған мәселелер мен мүмкіндіктер туралы құнды ақпараттарды алуға мүмкіндік береді.

Сабақтардың құрылымы нақты, теориялық тұжырымдамалар, практикалық мысалдармен және интерактивті топтық жаттығулармен үйлескен. Топтық жұмыстар негізінен нақты деректер негізінде шешім қабылдауға және саясатты негізді әзірлеу үшін деректерді пайдалануға баса назар аударады».

Бағдарламаға қатысушы, OLX Kazakhstan Бас директоры Ұлан Қайырбеков өткізіліп жатқан курстың құндылығын былай сипаттады: «Бағдарлама Американың жетекші университеттерінен келген профессорлардың мемлекеттік саясатты әзірлеудің озық әдістемелерін игеруге мүмкіндік береді. Мені, әсіресе, жаңа реформаларды қалыптастыру процесінде бизнестің рөлін зерттеу аспектісі қызықтырады. Бұл бағдарламаның әртүрлі елдерде өткізілген реформалардың практикалық тұсын (кейс-стади) талдауға, сондай-ақ сәтті тәжірибелерді пайдалануға негізделгені маңызды. Бағдарлама біздің елімізде реформаларды іске асырудағы белсенділіктің аздығын, жалпы реформалардың тиімсіздігін ескерсек, Орталық Азия елдері үшін пайдалы болады деп ойлаймын».

Көшбасшылықты дамыту академиясының оқытушылар тобының мүшесі Мэри Хильдербранд: «Проблемаларды шешуді ұсыну үшін емес, қатысушыларға саяси мәселелерді шешуде тиімдірек болуды үйретуге келдік.Қатысушылар мәселелерді түсініп, алдағы уақытта өз контекстінде пайдалана алады деп үміттенеміз. Олар бұдан да ауқымды жобаларды жасайтын болады. Біз осындай бағдарламаларды бүкіл әлемде: Латын Америкада, Африка елдерінде, Балқанда, Шығыс Еуропада, Оңтүстік-Шығыс Азияда өткіздік».