ҚазҰУ делегациясы AlmaU-да

19 сәуірде AlmaU-да әл-Фараби атындағы Қазақ ұлттық университеті делегациясының сапары өтті.

ҚазҰУ-дан келген қонақтар үшін AlmaU кампусы бойынша экскурсия ұйымдастырылып, инновациялық мұражай, нейромаркетинг зертханасы және «Qaynar Bulaq» қалалық шығармашылық кеңістігі таныстырылды.

AlmaU ректоры Гүльнара Күренкеева университеттің негізгі бағыттарымен таныстырып, бірлескен жобаларды жүзеге асыруға ұсыныс жасады. AlmaU Arizona State University-дің стратегиялық серіктесі болып табылады және кез келген салада жобаларды әзірлеуге, қаржыландыруды тауып, ең қызықты идеяларды жүзеге асыруға мүмкіндігі бар.

Екі университеттің проректорлары, декандары мен кафедра меңгерушілері AlmaU мен ҚазҰУ бірлескен жобаларын жүзеге асыру мүмкіндіктерін талқылап, жобалар бойынша ортақ тұстарды дамыту үшін әр университеттен осы бағыттағы жұмыс тобын құрды.

Кездесу барысында AlmaU президенті Асылбек Қожахметов «Әл-Фараби атындағы ҚазҰУ-ға сіңірген еңбегі үшін» күміс медалімен марапатталды

AlmaU Университеті басқа оқу орындарымен ынтымақтастық үшін әрқашан ашық және қызметтің кез келген саласында коммерциялық және коммерциялық емес жобаларды жүзеге асыруда, әрі 33 жыл бойы жинақталған білім, тәжірибе және практикалық тәжірибемен бөлісуге дайын.