Бәріңіздің назарыңызға ұсынамыз! Силикон аңғарында машықтанудан өту

Академик Шахмардан Есенов атындағы ғылыми- білім беру қоры Силикон аңғарында  (Калифорния, АҚШ) келешегі бар стартаптарда тегін машықтанудан  өту үшін байқау жариялайды. Байқауға Қазақстанның барлық азаматтары қатыса алады. Таңдаудың негізгі талабы – зерттеушінің кәсіби дағдылары әрі өзін -өзі жетілдіруге деген ынтасы. Міндетті түрде ағылшын тілін жоғары деңгейде меңгерген болу керек  ( upper intermediate деңгейінен бастап).

Байқауға қатысамын деушілерге жас шамасына шектеу қойылмайды: байқау бакалавриат және магистратура студенттеріне әрі ақпараттық технологиялар саласында жұмыс істеп жүрген мамандарға да қатысты ашық. Бұл талап халықаралық  «Білім беру саласындағы кемсітушілікпен күрес туралы Конвенцияға» сәйкес, заңды бекіту туралы Қазақстан Президенті Н.Назарбаев қаңтар соңында құжатқа қол қойған болатын.

Байқау үш кезеңнен тұрады. Ағымдағы жылдың 31 наурызына  дейін қор тапсырыстар мен құжаттарды қабылдауды аяқтайды, ал 5 жеңімпаздың есімі сәуірдің аяғында белгілі болады.  Әрі қарай қордың Сараптау кеңесі жеңімпаздардың біліктілігіне сәйкес стартаптарды таңдауды бастайды. Алты айлық машықтану 2016 жылдың шілдесінен желтоқсанға дейін өтеді. Жеңімпаздар машықтануды АҚШ территориясындағы стартаптарда өтуі мүмкін деген болжам жасалып отыр, олар стартаптан сыйақы ретінде олардың акцияларынан үлес алады.  Қор бес жеңімпазға рұқсатнаманы, әуе жолын (екі жаққа), тамағын және тұратын жерін төлейді. Байқауға қатысу жайында толық ақпарат  коммерциялық емес ұйым веб-сайтында   yessenovfoundation.org  орналастырылған.

Жеңімпаздардың тағдырын шешетін Қордың Сараптау кеңесін  Эльдар Ахметгалиев басқарады, ол  Mocap Analytics стартапын бастағандардың бірі, маманданған саласы спорт аналитикасы. Ол сонымен қатар Саймон Фрейзер Университетінің  (Канада)  адъюнкт-профессоры. Эльдар 2009 жылы Мәскеудің  физика-техникалық  институтын бітірген, ал  2015 жылы  PhD дәрежесін  Калифорния технологиялық  институтында қорғады, қолданбалы математика саласында ғылыми зерттеулер жүргізеді.  

Академик Шахмардан Есенов атындағы ғылыми-  білім беру қоры  2013 жылы меценаттардың жақсы дәстүрінің  үлгісі ретінде Қазақстанда білім беруді дамыту мақсатында құрылған. Қордың миссиясы – Қазақстанның зияткерлік әлеуетін дамыту.

Бағдарлама бойынша қосымша ақпарат бойынша хабарласыңыз: Мақсат Құрманбаев, бағдарлама үйлестірушісі, + 7 (727) 349 40 04/05