AlmaU Ыстамбұлда жазғы мектеп ашады!

2016 жылдың 2 наурызында  Istanbul Şehir University өкілдері  халықаралық департамент жетекшісі Ханде Балтаджы ханымның басшылығымен Алматы Менеджмент Университетіне кездесуге келді.

Екі оқу орны арасындағы  ынтымақтастық Istanbul Şehir University және  Alma University академиялық ұтқырлық  бөлімдерінің  10 студент пен 5 оқытушыға  кететін шығындарын өтейтін Erasmus+ бағдарламасына тапсырыс берген кезде,  2016 жылдың қаңтарынан басталған еді.

Бұл жолы университет қонақтары  AlmaU-дың  академиялық мәселелер бойынша проректоры Нұржамал Дүйсенғұловамен және базалық дайындық Факультеті деканы  Асылбек Нұргабдешовпен кездесті. Екі жақ пікір алмасу барысында алдағы уақытта екі жақты  келісім жасап,  төмендегідей мәселелер бойынша серіктестік жөнінде уәделесті:

• Академиялық ұтқырлық аясында студенттермен және оқытушылық-профессорлық құраммен өзара алмасым жасау;
• Қосдипломды білім беру;
• Ыстамбұлда студенттер үшін бірлескен жазғы мектеп ұйымдастыру.