AlmaU-дағы Welcome day

Биылғы жылдың 28 қарашасында AlmaU-да  Postgraduate programs бағдарламасының талапкерлері үшін  Welcome day  өтті. Іс-шара екі бөлімнен тұрды: бағдарламалар презентациясы-Магистратура және Докторантура,  Рустам Күлпейсовтың шеберлік сабағы көрсетілді.

Рекрутинг бөлімінің мамандары қатысушыларға оқуға түсу талаптары жайлы және талапкерге қойылатын шарттар туралы айтты.

Болашақ магистранттарда бір кезеңде екі  мамандық алуға мүмкіндіктері бар. Атап айтқанда, Менеджмент/Маркетинг және Экономика/Қаржы. Сондай-ақ, алғашқы мамандығына қарамастан кез келген  бағыт бойынша таңдауға мүмкіндіктері бар. Refresh білім алу мүмкіндігін ерекше атап өтті, өйткені технология ғасырында салалар арасында ауысуға мүмкіндік беретін жаңа іскери қабілеттерді меңгеруге болады, бұл  өте маңызды. Сонымен қатар, іс-шараға қатысушылар университеттің кампусы мен зертханаларымен танысты.

Тыңдаушыларға  AlmaU ұсынатын екінші жоғары білім беру бағдарламалары мен PhD докторантура, академиялық ұтқырлық, түлектердің мансап жолындағы  болашағын ұйымдастыру және басқа да мүмкіндіктер қызықтырды.

Рустам Күлпейсовтың "кәсіпкерліктегі инновация-сөзден іске көшу"  деген тақырыптағы шеберлік-сабағы оларды жігерлендірді. Қатысушыларға  өз күштеріне сенуге және қойған мақсаттарына  аяғына дейін баруға уәждеме берді. Рустам өзінің жетістікке жету  тарихымен және бірнеше лайфхактармен бөлісті.

AlmaU-дағы Welcome day   іс-шарасы ең алдымен тамаша көңіл-күй сыйлайды. Мұнда қатысушылар университетпен, бағдарламалармен танысты және уақытты пайдалы өткізді.