AlmaU түлектерімен қайта қауышты

2022 жылдың 18 қарашасында AlmaU-да түлектер кездесуі өтті. Оған әртүрлі жылдардың түлектері жиналды. Кездесу бейресми форматта ұйымдастырылды.

Қонақтарымыз курстас, группалас достарымен көрісіп, студенттік жылдарын еске алды. Олар бейне бір жастық шаққа оралғандай күй кешті.

Оқытушылар мен студенттер өткен күндерге сапар шегіп, естеліктерді бөлісті. Ұтыс ойындары ойнатылып, университетіміздің талантты студенттері қойылымдарымен қуантты. Кездесуге жиналған қонақтарға арнайы мерекелік дастархан жайылды. Олар дәмді торттан ауыз тиді.

Кеш мазмұнды әрі әсерлі өтті. AlmaU-дың есігі түлектеріне әрдайым ашық.