AlmaU және SDU: стратегиялық ынтымақтастықтың келешегі

2016 жылдың 3 ақпанында Сүлеймен Демирел атындағы Университеттің делегациясы Aлматы Менеджмент Университетіне кездесуге келді.  AlmaU президенті Асылбек Қожахметов  ректор, профессор Месут Акгюл бастап келген қонақтарды жылы қарсы алды. Кездесу барысында екі жақ университтердің жетістіктерімен және келешекке жоспарларымен бөлісті.

Ғылыми-білім беру ісі  және стратегиялық ынтымақтастықтың келешегі, сонымен қатар академиялық және студенттер ұтқырлығы саласы әрі өз ара келісім негізінде академиялық ынтымақтастық мәселелері талқыланды.

Пікір алмасу барысында алдағы уақыттағы ынтымақтастық туралы екі жақты келісімге отыру туралы ұсыныс жасалды. Кездесу аяқталғаннан кейін олар Alma University мұражайын тамашалады.

Қонақтар делегациясында: ректор, проф. М. Акгюл, бірінші  проректор проф. С. Амиргалиева, ғылым жөніндегі проректор  проф. Н. Сейітқұлов, бас хатшы А. Кочак мырза, тәрбие жұмысы бойынша проректор  М. Коджаага мырза,  филологиялық және педагогикалық ғылымдар факультеті деканы  проф. Д. Гаипов, инженерлік және жаратылыстану ғылымдары факультеті деканы проф. С. Гюверджин,  экономика және әкімшілік басқару факультеті деканы   Е. Оскенбаев мырза болды.

AlmaU жағынан кездесуде жоо президенті Асылбек Қожахметов, бірінші  проректор Алмагүл Канағатова, базалық дайындық  факультеті деканы  Асылбек Нұрғабдешов, академиялық мәселелер жөніндегі проректор Нұржамал Дуйсенғұлова,  экономика және  сервис мектебі деканы Орынбасар Түменбаева, ақпараттық жүйелер және инжиниринг мектебі  жоба директоры Әлібек Бисембаев қатысты.