AlmaU мен Нархоз ынтымақтастық жөнінде келісімге қол қойды
2022 жылдың 2 қарашасында AlmaU президенті Асылбек Қожахметов пен Нархоз президенті Мирас Дауленов білім және ғылыми-зерттеу бағыты бойынша ынтымақтастық жөніндегі келісімге қол қойды.
Осыған дейін AlmaU, Нархоз және СДУ университеттері бірлесе отырып PhD докторанттарын дайындауда серіктес бағдарлама құрған болатын. Барлық университеттің докторанттары HyFlex инновацилық гибридті форматта білім жетілдіре бастады. Сонымен қатар «Академиялық сабақ» дисциплинасын AlmaU-да, ал AlmaU мен СДУ докторанттары «Ғылыми зерттеу әдістерін» СДУ-да және AlmaU мен Нархоз докторанттары «Эконометрика (тереңдетілген курс)» дисциплинасын Нархозда өтеді.
   |
Жалпы, аталмыш бағдарлама бойынша AlmaU-дан 4 докторант, Нархоздан 15 докторант және СДУ-дан 2 докторант оқып жатыр.
Университеттердің бұндай ынтымақтастығы яки пікірталас алаңын құра отырып тәжірибе менен білім алмасу докторанттардың дайындығын жаңа жоғары деңгейге көтермек.
